Քաղաքակրթական ներուժը կեցության բարձրագույն արժեք է:

Բախի և Կոնսերվատորիայի մասին մտորումը կարող է և ռացիոնալ չլինել

08.31.2018


Մոսկվայի Ելենա Կամբուրովայի գլխավորությամբ գործող երաժշտության և պոեզիայի թատրոնը, որի շենքում այսօր իրականացվում են հիմնանորոգման մեծածավալ աշխատանքներ, նոր թատերաշրջանում իր ներկայացումները հյուրի կարգավիճակով կցուցադրի Մոսսովետի, Վախթանգովի և Պատանի հանդիսատեսի թատրոնների հարթակներում: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այս հանգամանքը թելադրել է, որ թատրոնը վերանայի հանդիսատեսին ներկայացվելիքի նկատմամբ իր մոտեցումները: «Ինձ համար կարևոր են նոր հանդիսատեսների հետ հանդիպումները»,- ասել է Կամբուրովան, որի թատրոնը երկար ժամանակ շատերը համարել են «թատրոն յուրայինների համար»:

Իրոք, իր տեսակի մեջ յուրահատուկ թատրոնը «հյուրախաղերի» ընթացքում հույս ունի ներկայանալ նաև դեռ իր մասին չիմացող հանդիսատեսների և նրանց ծանոթացնել այս «նոր» թատրոնին, որն, իրականում, արդեն բացում է 26-րդ թատերաշրջանը:

«Մեր ներկայացումները ստեղծվում են ոչ այնքան սովորական ձևով: Չկա պիես, չկա ոչ մի ավարտուն երաժշտական ստեղծագործություն: Այդ ամենը ավելի շատ ասոցիացիաներ են, զգյություններ են ծնված երաժշտությունից, երգերից, որոնք հետո դասավորվում են ներկայացումների մեջ: Մենք հաճախ հայտնի ստեղծագործությունների երաժշտական ձևավորումներ ենք անում: Ահա թե ինչու, քանի դեռ որևէ բան մինչև վերջ չի կարգավորվել, ավելի լավ է գաղափարը գաղտնի մնա...»,- ասել է թատրոնի ռեժիսոր Իվան Պոպովսկին:

Նա նաև նշել է, որ անիմաստ է այն հանդիսատեսների հիասթափությունը, որոնք ազդագրերում օրինակ, կարդալով «Մոլորակը ըստ Բախի ստեղծագործությունների» վերնագիրը, մտածում են, որ «Ավելի լավ է Բախ լսեմ Կոնսերվատորիայում» :
    Դիտվել է 31 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298>>հաջորդ