Քաղաքակրթական ներուժը կեցության բարձրագույն արժեք է:

Վառված թանգարանի ավերակների տակ ...

09.24.2018

2018թ.- սեպտեմբերի 2-ին հրդեհի ճարակ դարձած Բրազիլիայի Ազգային թանգարանի վերականգման արժեքը կկազմի 25 մլն դոլար: Այդպիսի նախնական հաշվարկ է ներկայացրել լրագրողներին UNESKO-ի արտակարգ առաքելության ղեկավար Քրիստինա Մենեգացցին, որը աշխատանքներ է իրականացնում դեպքի վայրում: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Այս գնահատումը վերջնական չէ և նախահաշվի չափը շատ բանով կախված կլինի վառված թանգարանի ավերակների տակ մնացած և հայտնաբերված ցուցանմուշների քանակից և վիճակից:

Բրազիլիայում ստացած աշխատանքային փորձի արդյունքում UNESKO-ի մասնագետները առաջարկություններ կներկայացնեն թանգարանների անվտանգության ապահովման հարցերի վերաբերյալ:

Ըստ Մենեգացցիի, թանգարանային ֆոնդերի այսպիսի մասշտաբային կորուստներից խուսափելու համար պետք է նախ և առաջ «փոխել մենթալիտետը»: Նրա ասելով վերականգնման վրա շատ ավելի է ծախսվում, քան կանխարգելման:

Այժմ UNESKO-ի արտակարգ առաքելության ղեկավարը փորձում է գտնել այն դոնոր կազմակերպություններին, որոնք իրենց հատկացումներով կկարողանային օժանդակել թանգարանի վերականգնմանը:

Հիշեցնենք, որ Բրազիլիայի Ազգային թանգարանը, որն այդ երկրի հնագույն գիտահետազոտական հաստատությունն է, այրվել է Ռիո դե Ժանեյրոյում պատահած հրդեհի հետևանքով: Այստեղ կենտրոնացված էր 20 մլն ցուցամուշ, որոնց թվում հնագիտական արժեքներ, եգիպտական մումիաներ, կենցաղային իրեր, միներալներ: Մասնավորապես այստեղ էր պահվում Հարավային Ամերիկայում հայտնաբերվածներից ամենահին ՝ 12 հազար տարի առաջ ապրած կնոջ կմախքը:

Նախնական հաշվարկներով հրդեհը ոչնչացրել է թանգարանի ցուցանմուշների 90 տոկոսը:






Այս թեմայով այլ հղումներ-1
    Դիտվել է 80 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ