Քաղաքակրթական ներուժը կեցության բարձրագույն արժեք է:

Անցյալի եվրոպական շքեղության և նրբաճաշակության կիզակետը

09.27.2018

Փարիզում բացվել է «Հիանալի Վենետիկը» վերտառությամբ ցուցահանդես: Միջազգային այս նախագիծը վերականգնում է 18-րդ դարի սկզբի մթնոլորտը, երբ Սուրբ Մարկոսի Հանրապետության մայրամուտից առաջ ծաղկում էր արվեստը: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Այդ դարաշրջանում Վենետիկը եվրոպական շքեղության և նրբաճաշակության կիզակետն էր, նաև՝ անսանձ տոնակատարությունների և մոլության կենտրոն: Այստեղ արարել են Տիեպոլոն և Կանալետոն, Պորպորան և Վիվալդին, ներկայացվել են օպերաներ, կազմակերպվել՝ դիմակահանդեսներ:

Մեծ պալատի դահլիճներում ներկայացված են նկարներ և քանդակներ, հագուստներ և դեկորատիվ-կիրառական արվեստի նմուշներ:
Այցելուները Գրան-Պալեում բացված ցուցահանդեսում ոչ միայն կզգան 18-րդ դարի առաջին կեսին Վենետիկում իշխող մթնոլորտը, այլև կիմանան, թե ինչպիսի ազդեցություն է թողել այս քաղաքի ստեղծագործական կյանքը ողջ Եվրոպայի վրա:

«Վենետիկը նաև շատ բաց քաղաք ՝էր, որը հյուրեր էր ընդունում ողջ մայր ցամաքից և, դրա հետ միասին համարվում էր խորհրդավոր քաղաք, որը, կարծես թե թաքնված էր հանրահայտ դիմակահանդեսային դիմակով: Մեր ցուցահանդեսը հնարավորություն է տալիս համեմատել այդ երկու կերպարները և իր համար բացահայտել այդ զարմանալի քաղաքը մի նոր կողմից:»,- բացատրել է ցուցահանդեսի համակարգող Քաթրին Լուազելը:
    Դիտվել է 174 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190