Քաղաքակրթական ներուժը կեցության բարձրագույն արժեք է:

Հաստիքներն ազատել նոր և երիտասարդ պրոֆեսիոնալների համար

09.28.2018


Ռուսաստանի պետական դումայի մշակույթի կոմիտեում աշխատանքներ են իրականացվում բալետի, կրկեսի արտիստների, փողային գործիքներ նվագող երաժիշտների ծառայությունների տարիների համար ժամկետից ավելի վաղ թոշակի անցնելու դրույթը պահպանելու համար: Այդ մասին դումայի մշակույթի կոմիտեի մամլո ծառայության տարածած տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

Այդ խնդիրը կարգավորող օրենքի նախագծի հեղինակների կարծիքով դրա համար կա երկու ճանապարհ. 1. պետք է նշված կատեգորիայի մարդկանց ընդգրկել ծանր մասնագիտություն ունեցողների ցուցակներում կամ՝ 2. այպիսի աշխատանք իրականացնողներին դիտարկել դժբախտ դեպքերի կամ մասնագիտական հիվանդությունների սոցիալական ապահովության հարթության մեջ:

Օրենսդրական նախաձեռնության հեղինակները նշում են, որ մշակույթի ոլորտի առանձին աշխատողների գործը կապ ունի օրգանիզմը լրջորեն մաշելու հետ: Պետք է հաշվի առնել նաև, որ բալետի, կրկեսի, երաժիշտների աշխատանքն սկսվում է ամենավաղ հասակից:

Տարբեր ոլորտներում այս օրենսդրական դրույթի քննարկումները հանգեցրել են այն եզրակացության, որ նշված մասնագիտությունների աշխատողների սահմանված ժամկետից ավելի վաղ թոշակի անցնելը արդարացված է նաև տնտեսագիտորեն, քանի որ արդեն շատ խնդիրներ դժվարությամբ լուծելու հնարավորություն չունեցող պրոֆեսիոնալներին ժամանակին ուղարկելով թոշակի նշանակում է նրանց զբաղեցրած հաստիքներն ազատել նոր և երիտասարդ պրոֆեսիոնալների համար:
    Դիտվել է 158 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181