Քաղաքակրթական ներուժը կեցության բարձրագույն արժեք է:

Գավառացի տղան ենթարկվում է հսկա քաղաքին

10.01.2018

Ռուսաստանում այսօր ԽՍՀՄ-ը ժողովրդայնություն վայելող թատերական թեմաներից մեկն է: Այսպիսի կարծիք է հայտնել Մոսկվայի Պուշկինի անվան թատրոնի գեղարվեստական ղեկավար Եվգենի Պիսարյովը: Հատկանշական է այն, որ հետաքրքրքւթյունը հատկապես մեծ է այն արտիստների ու ռեժիսորների մեջ, որոնք այն տարիներին չեն ծնվել կամ էլ դեռ երեխա էին:: Այդ մասին «teatral-online.ru»-ի տեղեկատվությունը փոխանցում է «taglur.am»-ը:

Հենց այս տրամադրվածությամբ էլ այսօր՝ հոկտեմբերի 1-ին, թատրոնի հարթակներից մեկում կցուցադրվի նոր թատերաշրջանի առաջին պրեմիերան՝ «Պատրաստված է ԽՍՀՄ-ում» վերնագրով ներկայացումը:

Այս բեմադրությունը երաժշտական կատակերգական ֆանտազիա է և չի հավակնում վավերականության: Գեղարվեստական ղեկավարը իր թատրոնի նոր աշխատանքը բնութագրում է որպես «խորհրդային առասպելների հետ խաղ», ժամանակակից մարդու պատանեկան թափանցող հայացք 80-ական թվականների երիտասարդների կյանքի վրա (ռեժ.՝ Ալեքսեյ Զոլոտովիցկի): Ներկայացման մեջ շատ են երաժշտությունը, պարը, և այդ թվականներին սիրված երգերը:

Ներկայացումը հիմնված է գրող Իգոր Գատինի «Կանանց հանրակացարան» պատմվածքի վրա: Երիտասարդ, մարքսիզմ-լենինիզմի գաղափարներով լցված կոմերիտական Ռոմկան հայտնվում է Մոսկվայում: Նա երազում է նվաճել ԽՍՀՄ-ի մայրաքաղաքը և հավատում է «նոր աշխարհի» կառուցմանը: Բայց կատարվում է հակառակը: Գավառացի տղան ենթարկվում է հսկա քաղաքին: Պարզվում է, որ Մոսկվան այնքան էլ շռայլ և գրկաբաց բնակավայր չէ: Հերոսին սպասում են դժվարություններ թե աշխատանքում և թե սիրո ասպարեզում: Երերում է նրա հավատը նաև լենինյան գաղափարախոսության նկատմամբ: Ռոմկան զգում է վերակառուցման («Պերեստրոյկա») հովերը: Նրա առջև ծառանում է դժվարին ընտրություն կատարելու խնդիրը՝ դավաճանել առաջին սերը, թողնել ազնիվ, բայց շատ չնչին վարձատրվող աշխատանքը, թե զբաղվել սպեկուլյատիվ առևտրով և ժամանակն անցկացնել ռեստորաններում, լինել ազնիվ ընկեր, թե քայլել «բոլորի վրայով»...





Լուսանկարն՝ ըստ հղման աղբյուրի:
    Դիտվել է 10 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300>>հաջորդ