Քաղաքակրթական ներուժը կեցության բարձրագույն արժեք է:

Սենսացիան բարձրացրել է Բենքսիի վնասված կտավի արժեքը

10.15.2018

Բրիտանացի փողոցային նկարիչ Բենքսի ինքնաոչնչացված նկարի մնացորդը Sotheby՝s աճուրդում այնուամենայնիվ վաճառվել է: Դրա սեփականատերը դարձել է մինչև կտավի շրջանակի վրա հարմարեցված ոչնչացման սարքի աշխատեցնելը աճուրդում հաղթած և բացահայտվել չցանկացած գնորդուհին: Այդ մասին տեղեկացնում է «taglur.am»-ը՝ հղում անելով «sothebys.com»-ին:

Ինքնաոչնչացված նկարի նոր տիրուհին եվրոպացի է: 1,4 մլն եվրոյով, փաստորեն կիսով չափ փչացրած գործից նոր տիրուհին չի հրաժարվել, քանի որ եկել է եզրակացության, որ իրեն բաժին է հասել կենդանի պերֆորմանս, որը մտել է պատմության մեջ: Բացի այդ, ինչպես նշում են փորձագետները, պատմություն մտած այդ նկարը հիմա շատ ավելի թանկ է գնահատվում:
Մասնակիորեն ոչնչացված նկարը այժմ նոր վերնագիր է ստացել և կոչվում է «Սերը աղբամանում»:

«Աղջիկը փուչիկով» ստեղծագործությունը համարվում է Բենքսիի առավել հայտնի նկարներից մեկը: Սկզբում այն պատկերվել է Թեմզա գետի հարավում Սաութ-Բենք կոչվող առափնյայում՝ 2002թ.-ին: Աշխատանքը նվիրվել է Սիրիայում պատերազմի զոհ դարձած երեխաներին: Այն Sotheby՝s-ի աճուրդի տանը ակրիլային ներկերով կատարված աշխատանքի տեսքով հայտնվել է 2006թ.-ին:

Հոկտեմբերի 5-ին կայացած աճուրդում նկարի վաճառված լինելը խորհրդանշող մուրճի հարվածից անմիջապես հետո բոլորի աչքերի առաջ շրջանակում գաղտնի տեղադրված սարքը գործի է դրվել և կտորների վերածել նկարի կեսը: Այս սենսացիան մի քանի անգամ բարձրացրել է Բենքսիի գործի արժեքը: Այս պատմության համար քնադատություն է հնչել Sotheby՝s-ի աճուրդի տան ու փողոցային անհայտ-հայտնի նկարիչ Բենքսիի հասցեին: Երկու պարագայում էլ բարձրաձայնվել է մեղադրանք այն մասին, որ այդ քայլը կատարվել է նկարի արժեքը բարձրացնելու համար:

Ասենք, որ իրականում նկարը այնպիսի լայն հատվածներով է կտրվել, որ դժվար է հիմնավորապես կարծել, որ այս ամենը կատարվել է կտավը լրիվ ոչնչացնելու նպատակով:




Այս թեմայով այլ հղումներ-1
    Դիտվել է 69 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ