Քաղաքակրթական ներուժը կեցության բարձրագույն արժեք է:

Շարունակվում է ճիշտ մինչև Մաքբեթի մահվան պահը

10.15.2018


Լոնդոնի «Բարբիկան» մշակութային կենտրոնում այսօր պրեմիերա է: Ռեժիսոր Փոլլի Ֆինդլին կներկայացնի շեքսպիրյան «Մաքբեթի» իր ընթերցումը: Այս բեմադրությունը ևս մեկ պրեմիերա է ունեցել դեռ գարնանը՝ Շեքսպիրյան ազգային ընկերությունում, որտեղ «Մաքբեթը» Փոլլի Ֆոնդլիի ռեժիսորական դեբյուտն էր: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Ընդհանրապես այս կին ռոժիսորին հրապուրել են անտիկ պիեսները և ժամանակակից դրաման: Բայց Շեքսպիրի ողբերգության վրա կատարծ նրա աշխատանքը քննադատները համարում են հաջողված:

Այս բենադրության հերոսները հանդես են գալիս ժամանակակից հագուստներով: Բեմի վրա կախված է մեծ էլեկտրոնային ժամացույց, որը Դունկան թագավորի սպանությունից հետո հետընթաց ժամանակ է ցույց տալիս և դա շարունակվում է ճիշտ մինչև Մաքբեթի մահվան պահը:

Ներկայացման հանգուցային ռեպլիկները արտացոլվում են էկրանին: Իսկ դրվագային հերոս Պահակը վերածվում է բոլոր իրադարձությունների համր վկան ու հանցակիցը: Կախարդներին ներկայացնում են քնազգեստ հագած և տիկնիկ խաղացող երեք փոքրիկ աղջնակները: Մաքբեթին մարմնավորել է թատրոնի և կինոյի հայտնի արտիստ Քրիսթոֆեր Էքլսթոնը: Սակայն գրեթե բոլոր քննադատների կարծիքով առավել հաջողվածը լեդի Մաքբեթին մարմնավորող իռլանդացի դերասանուհի Նաոմի Քյուսաքի խաղն է:

«Կարծում եմ, որ շատ կարևոր է, որ միևնույն ներկայացումը խաղացվի տարբեր հարթակներում, տարբեր հանդիսատեսների առջև: Հնարավորություն կա ինչ-որ բան անել այլ կերպ, ավելի խորը հասկանալ ինչ-որ դետալներ: Այնպիսի պիեսները, ինչպիսին «Մաքբեթն» է կարելի է հետազոտել տարիներով, բայց, թեկուզ մեկ տարի, լեդի Մաքբեթ խաղալու հնարավորությունը, արդեն, իսկական երկնային նվեր է»,- ասել է Նաոմի Քյուսաքը:





Լուսանկարն՝ ըստ հղման աղբյուրի:
    Դիտվել է 24 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ