Քաղաքակրթական ներուժը կեցության բարձրագույն արժեք է:

Շղարշով հագուստն ընդդեմ մարզական վերնազգեստի և ջինսի

10.22.2018


Այսօր, հոկտեմբերի 22-ին, Մոսկվայում, Պուշկինի անվան գեղարվեստի թանգարանում կկայանա այս հաստատության համար հազվադեպ իրադարձություն ՝ կցուցադրվի նորաձևության հավաքածո: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ռուսաստանցի դասական գրող Իվան Տուրգենևի լայնորեն նշվող 200-ամյակի միջոցառումների շրջանակում երիտասարդ դիզայներները երեկոյան կներկայացնեն թե ինչպիսի տեսք կարող էր ունենալ տուրգենևյան աղջիկը 21-րդ դարում:

«Մենք ստեղծել ենք ժամանակակից տուրգենևյան աղջկա կերպար՝ հենվելով վերջին շրջանի համաշխարհային միտումների վրա: Հիմա գալիս է պահպանողականության փուլ, նորաձևություն են վերադառնում ավանդական արժեքները»,- ասել է Դիզայնի և գովազդի ինստիտուտի տնօրեն Անդրեյ Սաֆինինը: Նա նշել է, որ միջոցառման ընթացքում ներկայացվելիք աշխատանքների հեղինակները ուսանողներ են և այդ գործերը հնարավոր չի լինի տեսնել որևէ առևտրի տաղավարում: Հեղինակները գլխավորապես ունեցել են գեղարվեստական կերպարներ ստեղծելու միտում:

Սաֆինի կարծիքով միանգամայն հնարավոր է, որ տուրգենևյան աղջիկներ լինեն նաև 21-րդ դարում: «Ինչպես Տուրգենևի հերոսուհիները, դա ռոմանտիկ, նուրբ, համեստ, բայց ուժեղ բնավորությամբ աղջիկն է՝ իր ազատ, առաջադեմ հայացքներով»,- նշել է նա և ավելացրել, որ ներկայացվելիք հավաքածուում իրենք հենց դա էլ փորձել են արտահայտել հագուստի, գործվածքի, զարդերի միջոցով: «Տուրգենևյան աղջիկը իրեն չի ցուցադրում և չի հանդիսանում սեքսուալ օբյեկտ»,- ասել է Սաֆինը:

Բոլոր մոդելները պոդյումում կհայտնվեն Տուրգենևի հատորյակը ձեռքին: « Հանրության առջև գիրքը ձեռքին հայտնված շղարժե շրջազգեստով աղջիկը կերևա ավելի առաջադեմ և համարձակ, քան եթե նա հագներ մարզական վերնահագուստ և ջինս»,- նշել է դիզայնի և գովազդի ինստիտուտի տնօրենը: Նա խոստովանել է, որ, անշուշտ, իրենց կողմից ներկայացվելիք հագուստները ամենօրյա չեն, բայց այդպիսի զգեստներով կարելի է գնալ ցուցահանդես, թատերական ներկայացման պրեմիերայի, թատերական մրցանակաբաշխության, վերջին զանգի երեկոյի...

Ավելացնենք, էր հագուստները ներկայացնելու են ոչ միայն մոդելները: «Տուրգենևան» զգեստներով պոդյումում կհայտնվեն նաև դերասանուհիներ և, նույնիսկ, բանաստեղծուհիներ:

    Դիտվել է 65 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418>>հաջորդ