Քաղաքակրթական ներուժը կեցության բարձրագույն արժեք է:

Երբ հանդես է գալիս հոլոգրամային երգչուհին

12.03.2018

20-րդ դարի խոշորագույն երգչուհիներից մեկին՝ Մարիա Կալասին կրկին հնարավորություն են ունեցել տեսնել մեծ բեմին: Նա օրերս Փարիզի Փլեյել համերգասրահում հանդես է եկել հանդիսատեսների առջև հոլոգրամի տեսքով: Այդ մասին տեղեկացնում է «taglur.am»-ը՝ հղում անելով «ru.euronews.com»-ին:

1977թ.-ին իր մահկանացուն կնքած երգչուհու կերպարը և նրա ձայնի բնօրինակ ձայնագրությունները օգտագործվել են կենդանի նվագախմբի հետ համերգով ներկայացնելու համար: Համերգը ղեկավարել է դիրիժոր, տեսախաղերի հայտնի հեղինակ՝ Էյմար Նունը: Այս համերգի յուրահատկությունը նշելիս նա նաև խոստովանել է, որ այնքան էլ դյուրին գործ չէ ղեկավարել նվագախումբը, երբ նրա հետ հանդես է գալիս հոլոգրամային երգչուհին և նրա ձայնագրությունը:

Հանդիսատեսները այս համերգից ամենահակադիր տպավորություններ են արտահայտել:

- Ես հուզվեցի, ազնիվ խոսք, երբ նրան տեսա այդպիսին: Դա շատ ուժեղ էր: Զգում էի այնպես, կարծես նա, իրոք, կար:

- Կալասը ինձ միշտ ցնցել է, իսկ այստեղ դա տեղի չունեցավ: Դա տխուր է:

- Դա մեծ երգչուհին է: Ենթադրվում է, որ հանդիսատեսները պետք է վեր ցատկեին իրենց տեղերից, բղավեին.... Իսկ այստեղ սկզբում եղան մի քանի խղճուկ ծափ-ծափիկներ: Մարդիկ իրենք իրենց հարցնում էին «Սա արվե՞ստ է, թե՞ անճաշակություն: Ի՞նչ եմ այստեղ ես անում: Մի՞թե ես սրա մասնակիցն եմ:

- Նա այստեղ է: Նրա ներկայությունը զգացվում է: Այն բացառիկ տատանում է, այն հիանալի բացահայտում է: Իսկապես, մարմինդ փշաքաղվում է: Դա դու զգում ես՝ այդ ուժը, այդ կախարդանքը:

Մարիա Կալասի հոլոգրամի համերգն ընդամենը մեծամասշտաբ նախագծի մաս է, որի շրջանակներում համերգների կազմակերպիչները խոստանում են հասարակության լայն շրջանակներին ներկայացնել անցյալի ամենատարբեր աստղերին ներկայացնելու փորձ անող վերածնված պատկերացումները:






Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com

Տեսանյութեր

Դիտվել է 122 անգամ
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178