Քաղաքակրթական ներուժը կեցության բարձրագույն արժեք է:

Ստեղծել աշխարհում ցրված ազգային մշակութային արժեքների կատալոգ

12.11.2018

Տաշկենդում ընթանում է «Ուզբեկստանի մշակութային ժառանգությունը աշխարհի հավաքածոներում» խորագրով 2-րդ միջազգային մեդիաֆորումը, որի նպատակն է տարբեր երկրների մասնագետների հետ համագործակցությամբ ի մի բերել տվյալները և ստեղծել տարբեր թանգարաններում պահվող ուզբեկական դարավոր մշակութային արժեքների կատալոգ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

«Մենք ստեղծել ենք համաշխարհային համագործակցություն՝ ուզբեկական մշակույթը պահպանելու, հանրայինացնելու և ուսումնասիրելու նպատակով: Սա արևելագետների յուրահատուկ միավորում է»,- ասել է նախագծի հեղինակ Ֆիրդավս Աբդուխալիպովը:

Այսօրվա ֆորումին մասնակցում են Ռուսաստանից, Գերմանիայից, Չեխիայից, Ֆրանսիայից, ԱՄՆ-ից, Ճապոնիայից, Հնդկաստանից և այլ երկրներից ժամանած 350 գիտնական:

Նախագծի աշխատանքներում ընդրկված են նաև ուզբեք բազմաթիվ գործարարներ, որոնք հիմնականում օժանդակում են անհրաժեշտ տեղեկատվական նյութերի հավաքմանը: Օրինակ, նրանք իրենց այս կամ այն վայր գործերի բերումով գտնվելիս նախանձախնդիր են վերաբերվում ուզբեկական մշակութային արժեքների հանդիպելիս: Այդպիսի նյութերը կամ առարկաները, ասել է ուզբեկ գործարար Բոբուր Ռահիմովը, տեսագրվում են սմարթֆոնով, հավաքվում են անհրաժեշտ տեղեկություններ՝ որտեղ է այն գտնվում, ինչպես է հայտնվել տվյալ պահման վայրում և փոխանցվում են համապատասխան մասնագետներին:







Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
    Դիտվել է 650 անգամ