Քաղաքակրթական ներուժը կեցության բարձրագույն արժեք է:

Կխորհրդանշի թատրոնի կախարդական աշխարհ մուտքը

12.13.2018

Այսօր՝ Դեկտեմբերի 13-ին, Ռուսաստանում մի քանի քաղաքներում տրվեց թատերական տարվա մեկնարկը: Այդ մասին մի շարք ռուսական կենտրոնական լրատվամիջոցների տարածած տեղեկատվությունը փոխանցում է «taglur.am»-ը:

Հիշեցնենք, որ Ռուսաստանի նախագահի հրամանագրով 2019թ.-ն այդ երկրում հայտարարվել է թատրոնի տարի:

Օրինակ, այսօր, դեկտեմբերի 13-ին, Յարոսլավլ քաղաքում այդ իրադարձության շրջանակներում բացվել է յուրահատուկ ցուցահանդես, որտեղ այցելուների ուշադրությանը կներկայացվեն ռուսական թատրոնի և բեմարվեստի եզակի արժեքներ, որոնք պահվում են Մոսկվայի Բախրուշինի անվան թատերական թանգարանում:

Դրանք 18-րդ դարի փորանկարչական արվեստի թեմատիկ աշխատանքներ են, տարբեր փաստաթղթեր ու իրեր: Այդ ցուցանմուշները այցելուներին կներկայացվեն ռուսական հանրային թատրոնի հիմնադիր Ֆեդոր Վոլկովի անվան թատրոնում:

Ցուցադրանքը թեմատիկ է և վերաբերում է Ռուսաստանում թատերական արվեստի ծագման պատմությանը: Այստեղ հնարավոր է ծանոթանալ արվեստի այս տեսակի ձևավորման փաստաթղթերի, թատերական արվեստի մեջ իրենց խոսքն ասած մարդկանց դիմանկարների, տարաբնույթ ձեռագրերի, թատերական հին ազդագրերի:

Մոսկվայից Յարոսլավլ է բերվել այդպիսի 48 ցուցանմուշ, որոնց ընդհանուր արժեքը գնահատվում է 12 մլն ռուբլի:
Ահա այսպես է թատերական տարվա մեկնարկը ավետում ռուսական հանրային թատրոնի ծննդավայրը, որտեղ տեղափոխված թանգարանային ցուցանմուշները կմնան միայն այսօր և դեկտեմբերի 14-ին կվերադարձվեն Մոսկվա՝ իրենց մշտական պահման վայր:

Թատերական տարին այսօր մեկնարկել է նաև Ռուսաստանի հնագույն Նիժնի Նովգորոդ քաղաքում: Այստեղ էլ միջոցառումների գլխավոր շարժիչ ուժը դարձել է հայտնի արտիստ Նիկտա Միխալկովը:

Նա դրամայի թատրոնի առջև հավաքված արտիստների, բազմաթիվ թատերասերների հետ մասնակցել է թատրոնի տարվա բացման հանդիսավոր արարողությանը, որից հետո քաղաքում մեկնարկել են թատրոնը մասսայականացնելու միջոցառումները:

Քաղաքային թատրոնի պատշգամբից ներկայացվել են հայտնի արիաներ և մենախոսություններ, իսկ կենտրոնական միջոցառումը կլինի Միխալկովի ղեկավարությամբ գործող կինոդերասանի թատրոնի «Մետամորֆոզներ-Շ» ներկայացումը:

Այսօր ողջ օրը Նիժնի Նովգորոդի դրամայի թատրոնի հարևանությամբ կցուցադրվեն տեսաֆիլմեր այս քաղաքի թատրոնների, արտիստների և թատերական կյանքի մասին: Իսկ «Բոլշայա Պոկրովսկայա» փողոցում կգործարկվի լուսադիոդային վարագույր, որը կխորհրդանշի թատրոնի կախարդական աշխարհ մուտքը:

Բացի այդ տարբեր հանրային վայրերում կլինեն նաև պրոֆեսիոնալ և սիրողական թատերախմբերի ներկայացումների ցուցադրություններ:






Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
    Դիտվել է 893 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484>>հաջորդ
    Արխիվ ըստ ամիսների