Քաղաքակրթական ներուժը կեցության բարձրագույն արժեք է:

Մշակույթի նախարարի որոշմամբ փակվել է

12.26.2018


Նախօրեին՝ դեկտեմբերի 25-ին, Մոսկվայի Պուշկինի անվան թատրոնում, արդեն սահմանված ավանդության համաձայն, կրծքանշաններ են տրվել արվեստի ոլորտի աշխատողներին: Համաձայն այս մտահղացման կրծքանշանը շնորհվում է դերասաններին, ռեժիսորներին և թատերական նկարիչներին, որոնց ստեղծագործությունները աչքի են ընկնում բացառիկ ճաշակով, ոճով, և Ալեքսանդ Թաիրովի ավանդներին հավատարիմ տաղանդով: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

2018թ.-ի տարեմուտին այդ նշաններով պարգևատրվել են ռեժիսոր Վախթանգովի անվան թատրոնի գեղարվեստական ղեկավար Ռիմաս Տումինասը, թաիրովյան Կամերային թատրոնի պատմաբան Սերգեյ Նիկոլաևիչը և «Գոգոլ կենտրոնի» դերասանուհի Մայա Իվաշկևիչը:

Ասենք, որ այս արարողության կազմակերպիչ Պուշկինի անվան թատրոնը հանդիսանում է 1914թ.-ին Ալեքսանդր Թաիրովի կողմից հիմնադրված Կամերային թատրոնի հետևորդը: Ըստ Թաիրովի այդ թատրոնն իր ստեղծագործություններով պիտի հակադրվեր նատուրալիզմին, ձգտեր ծայրահեղ բևեռային բեմադրությունների (այսօր՝ առասպելապատում, վաղը՝ ծաղրածուական արվեստ): Այդ թատրոնում մեծ տեղ է հատկացվել մնջախաղին: Թաիրովի ղեկավարությամբ գործող թատրոնում առաջատար դերասանուհիներից է եղել Ալիսա Կոոնենը, որի կերտած կոմիսարի կերպարը Վսեվոլոդ Վիշնևսկու «Լավատեսական ողբերգություն» պիեսի ներկայացման մեջ համարվել է բեմում հեղափոխական հերոսապատման նվաճում:

Կամերային թատրոնը գոյատևել է մինչև 1950թ.-ն, ապա Խորհրդային Միության մշակույթի նախարարի որոշմամբ փակվել է՝ «Արևմուտքին խոնարհվելու», խորհրդային ժողովրդին գաղափարապես օտար լինելու պատճառաբանությամբ: Դրանից հետո Թաիրովը աշխատանքից հեռացվել է, իսկ նրա թատերախմբի հիման վրա ստեղծվել է Պուշկինի անվան ներկա թատրոնը:




Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
ԹԱԳԼՈՒՐԸ՝ «GOOGLE»-ում (արխիվ)
    Դիտվել է 14 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312>>հաջորդ