Քաղաքակրթական ներուժը կեցության բարձրագույն արժեք է:

BAFTA-ում աներկբա ֆավորիտը «Ֆավորիտուհին» է

01.09.2019

Բրիտանիայի կինոյի և հեռուստատեսային արվեստների ակադեմիան հրապարակել է ամենամյա BAFTA մրցանակաբաշխության հաղթողների հավանական թեկնածուների ցուցակը: Այդ մասին տեղեկացնում է «taglur.am»-ը՝ հղում անելով «РИА новости»-ին:

Առաջադրված մրցանակային անվանակարգերի թվով առաջատարը հույն կինոռեժիսոր Յորգաս Լանտիմոսի «Ֆավորիտուհին» կինոնկարն է: Այն մրցանակների է հավակնում 12 անվանակարգերում:

Երկրորդը այս հաշվարկային հարթությունում 7 անվանակարգերի ներկայացված «Բոհեմական ռապսոդիա», «Մարդը լուսնի վրա», «Հռոմ» և «Աստղը ծնվեց» ֆիլմերն են: Թվով 6 անվանակարգի է ներկայացվել «Իշխանություն» կինոնկարը:

Հրապարակվել են նաև ցուցակում ընդգրկված ֆիլմերի ստեղծագործական խմբերի ներկայացուցիչների անունները, որոնք հավակնում են «Լավագույն դերասան», «Լավագույն դերաանուհի» և այլ անվանակարգերում հաղթողի կոչման:

BAFTA մրցանակաբաշխության հանդիսավոր արարողությունը կկայանա փետրվարի 10-ին, Լոնդոնի «Ալբերտ-հոլլ» արքայական դահլիճում:

Ասենք, որ BAFTA մրցանակաբաշխությանն հաջորդում է համաշխարհային կինոյի մեկ այլ՝ ամերիկյան կինոակադեմիայի «Օսկար» հեղինակավոր մրցանակաբաշխությունը, որի արդյունքները շատ հաճախ հիշեցնում են Բրիտանական այս կինոստուգատեսում արձանագրվածներին:



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 213 անգամ