Քաղաքակրթական ներուժը կեցության բարձրագույն արժեք է:

Հաճախ, վճարում էին իրենց ստեղծագործություններով...

01.11.2019

Էստոնիայի հանրապետության անունը կրող նույնանուն Ազգային օպերայում 7 տարի առաջ բեմադրել են «Անիծված նկարչիՆ»՝ Ամադեո Մոդիլյանիին նվիրված բալետ: Ներկայացումը, որ հենց այդպես էլ կոչվում է՝ «Մոդիլյանի Անիծված նկարիչ»,, այս օրերին ներկայացվում է Ռուսաստանի Մեծ թատրոնում: Էստոնացի դերասանները մոսկովյան այս բեմահարթակում վերջին անգամ հանդես են եկել 28 տարի առաջ: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Բեմադրիչ Թոոմաս Էդուրը նկարիչ Լիյնա Կեզվալլիկի հետ դեկորացիաները վերածել է կտավների ու նկարների շրջանակների: Էդուրը խոստովանել է, որ ինքը Մոդիլյանիով «հիվանդացել» է մանկուց և նրա աշխատանքները դիտելու համար պահը բաց չի թողել երբեք:

Էդուրը ընդգծում է, որ ինքը ներկայացման մեջ հնարավորինս հավատարիմ է մնացել նկարչի կյանքի ընթացում արձանագրված փաստերին: Մոդիլյանին «... հարվածում է կանանց, կատաղում է, սիրում է: Նա հասարակության առաջ հանում էր հագուստները՝ դա փաստ է...»: Բեմադրիչը, համենայնդեպս նշում է, որ իր բեմադրության մեջ հանվելու տեսարանը իրենք չեն անում մինչև վերջ...: Նշենք, որ Էդուրը նաև «Էստոնիա» Ազգային օպերայի բալետային խմբի գեղարվեստական ղեկավրն է:

Ներկայացման մեջ նա ցուցադրել է փարիզյան արվեստի այդ ժամանակաշրջանի երկու թշնամիների՝ Պիկասոյին և Մոդիլյանիին:

Այստեղ երևում է երկու նկարիչների հարաբերությունների ամենատարբեր կողմերը՝ նաև մտասևեռվածությունը արվեստի մեջ, նախանձը միմյանց հանդեպ...

Բեմում «Ռոտոնդա» անունով այն հայտնի սրճարանն է, որտեղ 19-րդ դարի վերջին և 20-րդ դարի սկզբներին սովորաբար հանդիպում էին Մոնմարտրի բոհեմի ներկայացուցիչները: Այնտեղ կրքերը անցնում էին բոլոր թույլատրելի սահամանները, իսկ խմած սուրճի կամ գինու համար նկարիչները, հաճախ, վճարում էին իրենց ստեղծագործություններով... «Եվս մեկ անիմաստություն: Ահա, տեսեք, Պիկասսոն նույնպես «վճարել» է:»:

Իսկ Էդուրի բեմադրության մեջ, պարող Անատոլի Արխանգելսկու ներկայացմամբ, Մոդիլյանին էքսցենտրիկ է, նեղացկոտ, նաև՝ շատ խոցելի: Բայց այդ որակները նրան չէին խանգարում երազել փառքի մասին:

Նա հիվանդ էր թոքախտով, թմրամոլ էր և ալկահոլիկ: Նա սիրավեպի մեջ էր ռուսաստանցի Աննա Ախմատովայի և անգլուհի Բեատրիս Հոսթինգսի հետ: Այս երկու բանաստեղծուհիների ու նկարչի հարաբերությունների մասին ժամանակին խոսում էր ողջ Փարիզը:

Բամադրության մեջ, անշուշտ, ներկա է նաև Մոդիլյանիի ամենազգացմունային բնորդուհին, որին նա պատկերել է 25 տարբեր կտավներում: Մոդիլյանիի հետ մեծ սիրո անբաժանելի թելերով կապված Ժաննա Էբյութերնը (նրան մարմնավորել է պարուհի՝ Ալյոնա Շկատուպան) ինքնասպան եղավ նկարչի մահից մեկ օր հետո....

Մոդիլյանին մահացավ աղքատության մեջ: Այսօր նրա նկարները համարվում են աճուրդի սալոնների զարդը և վաճառվում են տասնյակ միլիոնավոր դոլարներով:



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 90 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339>>հաջորդ