Քաղաքակրթական ներուժը կեցության բարձրագույն արժեք է:

Փառատոն, որտեղ պարողներն, ասես, ճանապարհորդում են տիեզերքում

11.21.2013


Ստանիսլավսկու և Նեմիրովիչ-Դանչեկոյի անվան Մոսկվայի երաժշտական ակադեմիական թատրոնում Իրժի Կիլիանի «Մոմե թևեր» բալետի ներկայացմամբ այս շաբաթվա վերջին երեք օրերի ընթացքում կեզրափակվի «DanceInversion» ժամանակակից պարերի միջազգային փառատոնը: Այդ մասին հաղորդում է «РИА Новости»-ն՝ հղում անելով ստուգատեսի արթ-տնօրեն, թատրոնի արտասահմանյան կապերի բաժնի ղեկավար Իրինա Չերնամուրովային:

«DanceInversion»-ը Մոսկվայում մեկնարկել է հոկտեմբերի 16-ին: Փառատոնի շրջանակներում կայացել են Բրազիլիայից, Ֆրանսիայից, Ավստրալիայից և Նոր Զելանդիայից ժամանած խմբեր, իսկ ստուգատեսը կեզրափակվի Ստանիսլավսկու և Նեմիրովիչ-Դանչեկոյի անվան թատրոնի պարային խմբի նոր աշխատանքով՝ Իրժի Կիլիանի 4 մեկ գործողությամբ բալետներից ստեղծված «Մոմե թևեր» ներկայացմամբ:

«Կիլիանը 20-րդ դարի նշանավոր դեմքերից է: Իր անսովոր տաղանդի շնորհիվ նա թափանցել է 21-րդ դար: Մենք ներկայացնում ենք մի նոր աշխատանք, որը նոր է նաև մեր համար: Դա շատ հայտնի, բարդ և անհավանականորեն գեղեցիկ բալետ է, որը կդնի փառատոնի վերջակետը»,- ասել է Չերնամուրովան:

Նա նաև ասել է, որ այս բալետը մի յուրահատուկ ձևով միմյանց է հյուսել արևադարձային գոտու և եվրոպական պարային ավանդույթները և նույնիսկ չի շրջանցել փողոցային պարերը:

Արթ-տնօրենը նաև նշել է, որ «DanceInversion»-ը բացել է նոր, թարմ էջ «ժամանակակից պարի տարածության մեր գիտակցության մեջ»: Պատահական չէ, որ շատ քննադատներ ասել են, որ այս բալետում պարողները ճանապարհորդում են տիեզերքում:

Ավելացնենք, որ Իրինա Չերնամուրովան տեղեկացրել է, որ հաջորդ համանման ստուգատեսը Մոսկվայում կկայանա 2015թ.-ի աշնանը:
    Դիտվել է 603 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ