Քաղաքակրթական ներուժը կեցության բարձրագույն արժեք է:

Նոր թատրոնին տրամադրվածը առավել քան շքեղ է

01.25.2019


Մոսկվայում բացվել է մի նոր թատերական հարթակ: Բալչուգ կղզում կինոռեժիսոր Սերգեյ Սոլովյովի գլխավորությամբ «բնակություն է հաստատել» ՍԱՍ թատրոն-ստուդիան: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Այս իրադարձությանը հայտնի արվեստագետը սպասել է 30 տարի: Բայց այն ինչ դրվել է նրա թատրոնի տրամադրության տակ առավել քան շքեղ է: Թատրոնը կգործի Մոսկվայի կենտրոնական «Կրասնի Օկտյաբր» շրջանում տեղակայված Կայսերական զբոսանավային ակումբի առանձնատանը:

ՍԱՍ թատրոն-ստուդիայում Սոլովյովը բեմադրություններ է պատրաստում Համառուստանյան կինոինստիտուտում տարբեր տարիներին իր մոտ սովորած սաների հետ: Անցած տարիներին արդեն մոսկվացի ու սանկտ-պետերբուրգցի հանդիսատեսներին են ներկայացվել տասնյակ բեմադրություններ:

Թատրոնի տարվա պաշտոնական մեկնարկից օրեր անց ստացած այս նոր ստեղծագործական հնարավորության մասին խոսելով Սոլովյովը նշել է, որ. «Սա սարսափելի նման է Տարկովսկու «Հայելի» ֆիլմի դեկորացիաներին»: Կինոռեժիսորը նույնիսկ հավաստիացրել է, որ. «Այստեղ սավառնում է նրա (Տարկովսկու-խմբ.) ոգին»:

Նոր թատրոնի հանդիսասրահը նախատեսված է 100 մարդու համար: Առաջին ներկայացման պատիվը Սոլովյովը վստահել էր իր երիտասարդ սանուհի Տատյանա Սամբուկին: Ցուցադրվեց «Իշխանուհի Մերի» ներկայացումը, որը Լերմոնտովի «Մեր ժամանակների հերոսը» վեպի բեմականացված տարբերակն է:

Ըստ Սերգեյ Սոլովյովի, թատրոն-ստուդիան արդեն արվածը պահպանելու հնարավորություն ընձեռող շատ կարևոր գաղափար է:
Ասենք, որ առաջիկայում նոր թատրոնի հիմնադիրը իր հանդիսատեսին կներկայացնի «Իվանով» ներկայացումը, որը կցուցադրվի առանձնատան ցուցասրահում, որտեղ մի փոքր ավելի շատ թվով մարդ տեղավորելու հնարավորություն կա:



Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 18 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317>>հաջորդ