Քաղաքակրթական ներուժը կեցության բարձրագույն արժեք է:

Իսկ Լաուրան պատրանքներ է փայփայում

02.01.2019

Ամերիկացի դրամատուրգ Թենեսի Ուիլյամսի ևս մեկ հանրահայտ ստեղծագործություն տեղ կգտնի Մոսկվայի «Նիկիտյան դարպասների մոտ» թատրոնի խաղացանկում: Չմարող հաջողությամբ ցուցադրվող «Ցանկությունների տրամվայ» ներկայացումից հետո թատրոնի գեղարվեստական ղեկավար Մարկ Ռոզովսկին անդրադարձել է դրամատուրգի ոչ պակաս հանրահայտ մեկ այլ պիեսի՝ «Ապակե գազանանոց»-ին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Սա մի պատմություն է մարդկային միայնակության, գաղափարների հակադրության և դաժան իրականության վերաբերյալ ունեցած պատրանքների մասին:

«Թենեսի Ուիլյամսը գրել է գրեթե այն նույն բանի մասին, ինչին անդրադարձել է Չեխովը «Քեռի Վանյա» պիեսում՝ ակամա միայնակություն, և մարդու անկարողություն կյանքի մատուցած հանգամանքների առաջ»,- ասել է Ռոզովսկին:

Ըստ ռեժիսորի սա պատմություն է այն մարդկանց մասին, որոնք ղեկը չեն կարողանում շրջել դեպի երջանկություն տանող ճանապարհ:

Պիեսի բոլոր հերոսները դժբախտ են: Ռեժիսորի կարծիքով դա բխում է այն իրողությունից, որ նրանք կարծես իրենց գոյությամբ դատապարտված են անբավարարվածության: Այդ դատարկությունից դուրս գալու ցանկություն ունի ներկայացման հերոս Թոմը: Դրանից սիրո միջոցով դուրս գալու պատրանքներ է փայփայում նաև ներկայացման հերոսուհին՝ Լաուրան: Իսկ համառ Ամանդան մայրական ողջ բնազդով փորձում է փրկել իր ընտանիքը քայքայումից:

Թենեսի Ուիլյամսը պատմել է երազանք ունենալու ցանկության և այն բանի մասին, թե որքան կարևոր է գնալ սեփական երազանքի ետևից՝ երբեք չշեղվելով դեպի խաբուսիկ փարոսները...

«Մեր ներկայացումը բարձր արժեքով խոր հոգեբանական թատրոնին վերադառնալու փորձ է: Այդ փորձը պահանջում է հզոր դերասանական պարպումներ և ես հուսով եմ, որ հանդիսատեսը լիարժեք հիացմունք կապրի մեր արտիստների խաղից»,- ասել է Մարկ Ռոզովսկին:

Ներկայացման մեջ ներգրավված են երկու դերասանական կազմ:

Պրեմիերային ներկայացումները կկայանան փետրվարի 8-ին և 9-ին:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 19 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317>>հաջորդ