Քաղաքակրթական ներուժը կեցության բարձրագույն արժեք է:

Բեռլինալե 69-ում նկատվում է անհատական ապրումները քաղաքկանացնելու միտում

02.07.2019


Այսօր՝ փետրվարի 7-ին, Բեռլինում մեկնարկել է քաղաքի անունը կրող 69-րդ միջազգային կինոփառատոնը: Ժյուրին գլխավորում է ֆրանսիացի հայտնի կինոդերասանուհի Ժյուլեթ Բինուշը:

Մրցույթում ընդգրկված է 23 կինոնկար:

Փառատոնը բացվել է դանիացի ռեժիսոր Լոնե Շերֆիգի «Անծանոթների բարությունը» ֆիլմով: Այս կինոնկարի գործողությունները հիմնականում ծավալվում են Նյու-Յորքի «Ձմեռային պալատ» անունով ռուսական ռեստորանում: Պատումը մի կնոջ մասին է, որն իր երեխաների հետ փորձում է այստեղ թաքնվել ոստիկան ամուսնու հետապնդումից:

Փառատոնի ղեկավարների գնահատմամբ Բեռլինալե-2019-ի կինոնկարներում կարծես նկատվում է անհատական ապրումները քաղաքկանացնելու միտում:

Կինոստուգատեսում կցուցադրվի նաև չինական ֆիլմ, որը ներկայացնում է «մեկ ընտանիք՝ մեկ երեխա» քաղաքականության համապատկերում ապրող մարդու սոցիալական վիճակը:

Կլինեն նաև եկեղեցի և պետության փոխհարաբերություններին անդրադարձած, բռնությանը զոհ դարձած, բայց ստիպողական լռություն պահպանող մարդկանց մասին պատմող ստեղծագործություններ: Կան նաև երկիր մոլորակի մթնոլորտի գլոբալ տաքացման, արվեստի վրա քաղաքականության ազդեցության և մարդու կողմից սեփական շահերը պաշտպանելու կարևորության մասին ֆիլմեր:

Նշենք, որ մրցույթին մասնակցող կինոնկարներից 7-ի հեղինակները կին ռեժիսորներ են, որը մասնագետների գնահատմամբ մյուս առաջատար համաշխարհային կինոփառատոնների ցուցանիշների համեմատությամբ համարվում է ռեկորդային:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 177 անգամ