Քաղաքակրթական ներուժը կեցության բարձրագույն արժեք է:

Չպարզված հանգամանքներում զոհվեց ավտովթարից

02.11.2019


Բեռլինի միջազգային կինոփառատոնում կայացել է լեհ ռեժիսոր Ագնեշկա Հոլանդի «Միստր Ջոնս» ֆիլմի պրեմիերան: Այդ մասին տեղեկացնում է է «taglur.am»-ը՝ հղում անելով «svoboda.org»-ին:

Կինոնկարն անդրադառնում է անցյալի իրական դեպքերի, որոնք շաղախված են հեղինակների երևակայությամբ: Այն անդրադառնում է 1930-ական թվականներին Ուկրաինայում մի քանի միլիոն մարդկային կյանք խլած սովին, որը պատմության մեջ մտավ «Գոլոդոմոր» անունով և այդ մեծ ողբերգության ֆոնի վրա Խորհրդային Միության մայրաքաղաքում կատարվող անցուդարձին:

Կինոնկարը Ուկրաինայում սովի ճարակ դարձած մարդկային տառապանքներին զուգահեռ ներկայացնում է Մոսկվայում խորհրդային հատուկ օրգանների հսկողության ներքո շքեղ կյանք վարող արտասահմանյան մի շարք ծառայությունների այն աշխատակիցներին, որոնք բարեհամբույր կեցվածք ցուցաբերելով շահել էին Ստալինի բարյացկամությունը:

Կինոնկարի գլխավոր հերոսը բրիտանացի լրագրող Գարրեթ Ջոնսն է (1905-1935), որը 1933թ.-ին գործուղվելով ԽՍՀՄ, կարողացել է մոլորեցնել իրեն ուղեկցող խորհրդային գործակալներին և այցելել սովից մահացող ուկրաինական գյուղեր: Վերադառնալով Եվրոպա նա առաջինը բարձրաձայնեց «Գոլոդոմորի» մասին:

Իր հոդվածներում նա պատմեց, որ դա Ստալինի հրամանով կազմակերպված արհեստական սով էր: Սակայն Ջոնսի հայտարրությունները հասարակության մեջ ընդունվեցին թերհավատորեն:

Շատերը չէին հավատում, որ Խորհրդային Միությունում կատարվում է այդպիսի մեծամաշտաբ աղետ, մյուսները՝ գիտեին այդ մասին, սակայն գիտակցաբար լռում էին և թաքցնում իրենց իմացած տեղեկությունները: Ստալինյան բռնության այդ անմարդկային դրսևորման մասին իրական փաստերը կոծկելու մեջ հատկապես մեծ ջանքեր է թափել «Նյու-Յորք Թայմսի» մոսկովյան թղթակից Ուոլթեր Դյուրանթին, Պուլիտցերյան մրցանակակիրը, ինչպես պարզվել է ավելի ուշ, գաղտնի աշխատել է Ստալինի համար և իր ազդեցությունն օգտագործել է, որպեսզի իր մասնագիտական պարտականություններն ազնվորեն կատարող Ջոնսը ներկայացվի որպես ստախոս:

1935թ.-ին Գարրեթ Ջոնսը չպարզված հանգամանքներում զոհվեց ավտովթարից: Վարկածներից մեկի համաձայն նրան սպանել են Ստալինի գործակալները:

Ասենք, որ «Գոլոդոմորի» վերաբերյալ Գարրեթ Ջոնսի հրապարակած հոդվածները հիմք են հանդիսացել ամերիկացի գրող Ջորջ Օուրելի «Անասնաֆերմա» ուտոպիստական վեպի համար, որից առանձին հատվածներ հնչեցվում են կինոնկարում:

«Գոլոդոմորի» զոհերի հիշատակին նվիրված «Միստր Ջոնս» ֆիլմի արտադրությանը մասնակցել են Լեհաստանը, Ուկրաինան և մի շարք այլ երկրներ:






Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 72 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432>>հաջորդ