Քաղաքակրթական ներուժը կեցության բարձրագույն արժեք է:

Բարձր մակարդակի հասած բեմադրությամբ վերադառնալու ռեժիսորի ակնկալիքները

02.16.2019

Ցանկացած հյուրախաղ միշտ սեփական աշխատանքը վերագնահատելու առիթ է թատրոնի համար, ռեժիսորի, դերասանի թարմ հայացք սովորական դարձած ներկայացման վրա. Արդյո՞ք դեռ այն (բեմադրությունը-խմբ.) ապրում է, թե՞, արդեն, նրա կյանքն ավարտվել է:- Օրերս Լոնդոնում Մոսկվայի Պուշկինի անվան թատրոնում, իր «Բարի մարդը Սեզուանից» ներկայացման հաջող ցուցադրությունների արդյունքները ամփոփելով, ասել է ռեժիսոր Յուրի Բուտուսովը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Հյուրախաղերը, ըստ նրա, արտակարգ կարևոր են, որպեսզի կարողանաս գնահատել, թե, արդյո՞ք, դեռ դիմանում է ներկայացման ձևը, թե՞ ինչ-որ պտուտակներ պետք է ձգել, մաքրել, ուղղուել...

Այդ առումով բացառություն չեն եղել նաև այս լոնդոնյան հյուրախաղերը: «Մենք այստեղ շատ բան ենք արել,- նշում է Բուտուսովը,- շատ և բավականին հետաքրքիր էինք փորձեր անում, ուղղում հին ռիթմերը»;

Նրա գնահատմամբ իր ներկայացման մեջ ժամանակի ընթացքում շատ լուրջ ռիթմի փոփոխություններ էին կատարվել, որոնք բեմադրությունը տարել էին ոչ դեպի լավ ուղղությամբ, և «ինչպես ինձ է թվում, մեզ հաջողվեց ուղղումներ իրականացնել»,- ամփոփել է իր ձեռքբերումների ստեղծագործական արդյունքները Բուտուսովը:

Ի դեպ, այսօր Մոսկվայի Վախթանգովի անվան թատրոնում գլխավոր ռեժիսորի պաշտոնը զբաղեցնող Յուրի Բուտուսովի կարծիքով յուրաքանչյուր հյուրախաղ միշտ տագնապ է պարունակում՝ միշտ նոր հանդիսատես, նոր բեմ... «Ես հաճախ չեմ թռչում ընկերներիս հետ, բայց առանց դրա էլ լավ գիտեմ, որ ցանկացած մեծ քաղաք իր հանդիսատեսն ու մթնոլորտն ունի: Կարևոր չէ, թե դա արտասահմանյան հյուրախաղեր են, թե՞ այցելություն Ռուսաստանի տարածքում»,- ասում է Բուտուսովը:

Հաջող հյուրախաղերի և այնտեղից առավել բարձր մակարդակի հասած բեմադրությամբ վերադառնալու ակնկալիքներն իրականացված տեսնելու հարցերում նա կարևորում է նաև թատերախմբի փորձը, թատրոնի ղեկավարության որակը, բոլոր մյուս օղակների պրոֆեսիոնալ պատրաստվածության մակարդակը և այլն:

Բուտուսովի ընթերցմամբ ներկայացվող «Բարի մարդը Սեզուանից» պիեսի բեմական կյանքին ծանոթ հանդիսատեսն ու մասնագետն անմիջապես կարձանգրեն, որ որակական մեծ տարբերություն կա նախորդ մոտ 6 տարիների ընթացքում ցուցադրվող մոսկովյան և տակավին օրերս լոնդոնյան հյուրախաղերում ներկայացված բեմադրությունների որակի մեջ: Ստացվում է տպավորություն, որ դերասանների խաղում, և, նույնիսկ, երգերի տեքստերում նոր միտք է հայտնվել: Դրանցում զգացվում է քաղաքական, քաղաքացիական հնչողություն, որը նախկինում չէր արձանագրվում կամ զգացվում էր շատ ավելի թույլ:

Բուտուսովը նշում է, որ այդ տարիների ընթացքում շատ բան է փոխվել նաև Ռուսաստանում և հիմա իր համար առանձնահատուկ կարևորություն ունի մոտեցումը թեմային: Ըստ նրա հիմա այնքան էլ էական չէ պարզաբանելու համար «թե ինչ է բարին, և ինչ է չարը», որքան օգնության, մարդու նկատմամբ ուշադրության, նրան հասկանալու թեմայի շեշտադրումը:

«Մարդը ամենակարևորն է հողագնդի վրա: Եվ այն, ինչը որ այսօր մեզ թույլատրում ենք այնքան հեշտորեն՝ միմյանց վրա շպրտելով սպառնալիքներ, չգնահատելով այն ինչ-որ ունենք, հրեշավոր է: Եթե դա չդադարեցվի, ապա այն ոչ մի լավ բանի չի հանգեցնի: Մենք կորցնում ենք մարդուն...»,- ընդգծել է Բուտուսովը:



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 24 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321>>հաջորդ