Քաղաքակրթական ներուժը կեցության բարձրագույն արժեք է:

Կինոժապավենը արժանացավ 91-րդ «Օսկար»-ի ոսկե արձանիկի...

02.25.2019

Ամերիկյան կինոակադեմիան 2018թ.-ի լավագույն ֆիլմ է ճանաչել ռեժիսոր Փիթեր Ֆարրելլիի «Կանաչ գիրք» կինոնկարը: Հենց այդ կինոնկարն էլ արժանացել է 91-րդ «Օսկար» մրցանակաբաշխության գլխավոր պարգևին, որը տեղի է ունեցել այսօր, երբ Երևանում փետրվարի 24-ի լույս 25-ի գիշերն էր: Մրցանակաբաշխությունը կայացել է Լոս-Անջելոսի «Դոլբի» թատրոնում:

Ֆարրելլին մրցանակն ստացել է հոլլիվուդյան աստղ Ջուլիա Ռոբերթսից: Հաղթողը իր շնորհակալական խոսքում առանձնացրել է ֆիլմի գլխավոր հերոսի դերակատար Վիտտո Մերթենսենին, «առանց որի ոչինչ չէր կարող պատահել»: Նա ասել է, որ իր ներկայացրած ողջ պատմությունը միմյանց նկատմամբ սիրո մասին է: Այն անդրադառնում է մի իրական դեպքի, որը կատարվել է սևամորթ ջազ դաշնակահար Դոն Շիրլիի և նրա վարորդ Թոնի Վալլելոնգի հետ ԱՄՆ-ի հարավում ճանապարհորդելիս:

Լավագույն լիամետրաժ անիմացիոն ֆիլմ է ճանաչվել ռեժիսորներ Բոբ Փերսիքեթթիի, Փիթեր Ռամզիի և Ռոդնի Ռոթմանի «Մարդ-սարդ: Տիեզերքի միջով» կինոնկարը, իսկ կարճամետրաժ մուլտֆիլմերի մրցույթի հաղթողը դարձել է «Դոմի Շիի «Բաո»-ն:

Ասենք, որ «Օսկար» մրցանակաբաշխությանը նախորդող մի շարք հայտնի կինոփառատոներում հաղթանակներ արձանագրած մեքսիկացի ռեժիսոր Ալֆոնսո Քուարոնը նույնպես անմասն չմնաց ամերիկյան կինոակադեմիայի հեղինակավոր պարգևներից: Կինոբեմադրիչին մեծ համբավի հասցրած «Հռոմ» սև-սպիտակ կինոժապավենը արժանացավ 91-րդ «Օսկար»-ի ոսկե արձանիկի «Լավագույն ռեժիսոր» անվանակարգում:

«Մենք պետք է հայտնաբերենք պատմություններ, որոնք ուրիշները չեն տեսնում: Դա մեզ վրա դրված հսկայական պատասխանատվություն է : Հատկապես հիմա, երբ մեզ կոչ են անում երեսը շրջելով չնկատել...»,- մրցանակն ստանալիս ասել է Քուարոնը:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 122 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168