Քաղաքակրթական ներուժը կեցության բարձրագույն արժեք է:

Տարբեր քաղաքներում գործող երկու հնագույն թատրոնները կմիավորվեն

03.28.2019


Սանկտ-Պետերբուրգի Ալեքսանդրինյան և Յարոսլավլ քաղաքի Վոլկովի անվան թատրոնները կմիավորվեն որպես առաջին ռուսական ազգային թատրոն: Մի քանի տարի հետո այս համալիրին կմիանա նաև Մոսկվան: Այդ մասին Ռուսաստանի մշակույթի նախարար Վլադիմիր Մեդինսկու նախօրեին արած հայտարարությունը փոխանցում է «taglur.am»-ը՝ հղում անելով «tvkultura.ru»-ին:

«Մենք այսօր ներկա ենք հնագույն թատրոնների ներքևից սկսված պատմական նախաձեռնությանը, որոնցից յուրաքանչյուրը հավակնում էր այն բանին, որ կոչվի առաջին ռուսական ազգային թատրոն: Սա չի լինի Ալեքսանդրինյան և Վոլկովյան թատրոնների պարզապես ձևականորեն կազմակերպված միավորում: Սա կլինի առաջին Ազգային թատրոնի պատմականորեն պայմանավորված վերաստեղծում»,- թատրոնի միջ(ազգային օրվա կապակցությամբ տեղի ունեցած մամլո ասուլիսում ասել է Ռուսաստանի մշակույթի գերատեսչության ղեկավարը:

Այս գաղափարն առաջ են քաշել հենց իրենք՝ թատրոնները: Վոլկովի անվան թատրոնը ռուսական առաջին պրոֆեսիոնալ թատրոնն է, որը հիմնադրվել է 1750թ.-ին: Այսօր այն գլխավորում է Եվգենի Մարչելլին: Իսկ Ալեքսանդրինյան լեգենդար թատրոնը հիմնադրվել է 1756 թ-ին: Այն համարվում է ամենահին ազգային թատրոնը: Այն գլխավորում է Վալերի Ֆոկինը:

Փորձագետների կարծիքով կարևոր է, որ հենց վերջինս լինի երկու մշակութային հաստատությունների միավորմամբ ստեղծվող Ռուսաստանի խոշորագույն թատերական ինստիտուցիոնալացված կառույցի՝ Ազգային թատրոնի ղեկավարը:

«Բոլոր թատրոնները իրենց անհատականությունը պահպանում են: Եվ ստեղծագործական ղեկավարությունը և ծառայությունները, այս ամենը պահպանվում են: Այլ խնդիր է, թե ինչու ենք մենք միավորվում: Միավորվում ենք ընդհանուր գեղարվեստական ծրագրի համար: Դա է գլխավոր խնդիրը»,- բացատրել է Վալերի Ֆոկինը:

«Ոչ մի ներքին կասկած չկա, որ սա շատ հետաքրքիր,ինչ-որ շատ լուրջ պատմական հետաքրքիր շրջանի ավարտ է, որն անցավ Ֆյոդոր Վոլկովը՝ սկսելով Յարոսլավլում, հետո Մոսկվայում, ապա Պիտերում: Եվ հանկարծ այս միավորումը՝ երեք հարթակների ի հայտ գալը երեք քաղաքներում՝ Յարոսլավլ, Պիտեր,Մոսկվա: Եվ ընդհանուր թատրոն: Իհարկե դետալների մեջ այս ամենը դեռ կմշակվի և կճշտվի, և մենք կհասկանանք, թե որ տարածության մեջ ենք աշխատելու: Սակայն գաղափարն ինքը մեզ խելահեղորեն դուր է գալիս...»,- ասել է Յարոսլավլի Ֆյոդոր Վոլկովի անվան թատրոնի գեղարվեստական ղեկավար Եվգենի Մարչելլին:







Լուսանկարն՝ ըստ հղման աղբյուրի:



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 68 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ