Քաղաքակրթական ներուժը կեցության բարձրագույն արժեք է:

Մերժել են երկու հնագույն թատրոնները միավորելու նախարարական գաղափարը

04.06.2019

Նախօրեին, ապրիլի 5-ին, Ռուսաստանի Յարոսլավլ քաղաքում Սանկտ-Պետերբուրգից ժամանած ռեժիսոր Վալերի Ֆոկինի մասնակցությամբ կայացել է տեղի Վոլկովի անվան և պետերբուրգյան հայտնի Ալեքսանդրինյան թատրոնի միավորման մասին խորհրդակցությունների շարք, որը անցկացվել է փակ (թատրոնների և իշխանության պատկան մարմինների ներկայացուցիչների մասնակցությամբ) և բաց (հասարակական քննարկումների) ձևչափերով: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Քննարկումների ընթացքում պարզվել է, որ այդ երկու հնագույն և անվանի հաստատությունների միավորման և որպես Առաջին ազգային թատրոն հանդես գալու գաղափարը չի գտել որևէ հավանություն Յարոսլավլ քաղաքի պաշտոնական և ոչ պաշտոնական հանրության միջավայրում: Ավելին, ներկաները նշել են, որ Վոլկովի անունը կրող թատրոնին պետք է վերադարձնել առաջին ռուսական թատրոնի կարգավիճակը և այն ֆինանսավորել որպես Ազգային արժեքի և ոչ թե նրան պահել «մնացորդային սկզբունքով», կիսաքաղցած օրաբաժնով:

Ի դեպ, ներկաները շատ խիստ քննադատական խոսքեր են հասցեագրել նաև այդ երկու հին թատրոնները միավորելու վերաբերյալ Ռուսաստանի մշակույթի նախարարության կողմից շրջանառության մեջ դրված հրամանի նախագծի շատ դրույթների: Դրանց մասին իր անտեղյակությունն է բարձրաձայնել նաև Վալերի Ֆոկինը, որին ներկաները թերահավատությամբ են արձագանքել, քանի որ Սանկտ-Պետերբուրգի Ալեքսանդրինյան թատրոնի գեղարվեստական ղեկավարը այս նախաձեռնության հեղինակներից մեկն է:

Ինչևէ, բայց հրամանի դրույթների մասին անտեղյակ լինելու և դրանց վրա զարմանալու վարքագիծը ակնհայտ ցուցադրել է, որ Ֆոկինը հրաժարվել է նախարարական հրամանի այդ նախագծից:

Այդ փաստաթղթի համաձայն Յարոսլավլի թատրոնը պետք է համարվեր Ալեքսանդրինյան թատրոնի ստորադաս կառույց, նրա ողջ ունեցվածքը փոխանցվեր Ալեքսանդրինյան թատրոնին, իսկ վոլկովյան թատրոնի տնօրինությունը գտնվեր Պետերբուրգում:





Լուսանկարն՝ ըստ հղման աղբյուրի:

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 81 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ