Քաղաքակրթական ներուժը կեցության բարձրագույն արժեք է:

Օրենսդիրները կարծում են, որ ֆիլմի ցուցադրությունը վնաս կհասցնի երկրի հեղինակությանը

04.10.2019


Ռուսաստանում հասունանում է հերթական աղմուկը՝ կապված արտադրությունից նոր իջեցված ֆիլմի հետ: Այս անգամ քննարկվող նյութը չունի կրոնական ենթատեքստ, ինչպես նաև կապված չէ վերջին ցարի երիտասարդ տարիների սիրո պատմության հետ: Այս անգամ անհանգստության առիթը ռեժիսոր Պավել Լունգինի «Եղբայրություն» ֆիլմն է, որտեղ անդրադարձ է կատարվում Աֆղանական պատերազմին: Այդ մասին «РИА новости»-ի տեղեկատվությունը փոխանցում է «taglur.am»-ը:

Ռուսաստանի Պետդումայի նախագահ Վյաչեսլավ Վոլոդինը չորեքշաբթի օրը կայացած պլենար նիստի ժամանակ պրոֆիլային կոմիտեներին հանձնարարել է երկրի օրենսդիր մարմնում կազմակերպել այդ ֆիլմի դիտումը, որը ռուսական վարձույթի շուկա է դուրս բերվելու մայիսի 9-ին:

«Զինվոր աֆղանցիները, ինտերնացիոնալիստները բարկացած են այն բանով, որ մեր զինվորները և սպաները ներկայացված են որպես ավարառուներ, ալկոհոլիկներ, ինչպես ամբոխ, որը միայն վնասել է»,- ըստ «РИА новости»-ի հայտարարել է Պետդումայի պաշտպանության կոմիտեի նախագահի առաջին տեղակալ Ալեքսանդր Շերինը: Նա պատերազմական գործողություններին մասնակցած վետերանների խնդրանքով պահանջ է ներկայացրել մշակույթի կոմիտեին Պետդումայում կազմակերպել կինոնկարի ցուցադրությունը, որպեսզի դումայի այն պատգամավորները, «որոնք հանդիսանում են վետերան-աֆղանցիներ, կարողանան դիտել այդ ֆիլմը և համապատասխան դիրքորոշում բարձրաձայնեն»:

Նա ընդգծել է, որ վետերան-աֆղանցիները վիրավորված են և կարծում են, որ այդ ֆիլմի ցուցադրությունը մայիսի 9-ին լուրջ վնաս կհասցնի Ռուսաստանի և զինվորականության հեղինակությանը:

Ավելի վաղ պատգամավոր, Արտաքին հետախուզության ծառայության վետերան Իգոր Մորոզովը պլենար նստաշրջանում առաջարկել էր դաշնության խորհրդի կրթության գիտության և մշակույթի կոմիտեին հանձնարարական տալ քննարկելու «Եղբայրություն» ֆիլմի կինովարձույթի շուկա դուրս բերելը արգելելու հնարավորության հարցը:

Ֆիլմի գործողությունները տեղի են ունենում 1988թ.-ին Աֆղանստանում ընթացող պատերազմի ժամանակ: Գրեկ մականունով ավագ լեյտենանտ Վասիլի Ժելեզնյակովից է կախված դիվիզիայի գետանցումը, որը գտնվում է դաժանությամբ հայտնի մոջահեդներից մեկի վերահսկողության տակ: Որպեսզի դիվիզիան վերադառնա հնարավորինս քիչ կորուստներով Գրեկը ստիպված է նրա մոտ պատանդ մնալ:

Ֆիլմը ստեղծվել է իրական իրադարձությունների հիման վրա:







Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 489 անգամ