Քաղաքակրթական ներուժը կեցության բարձրագույն արժեք է:

Օպերա անվտանգության ծառայության թունավորված սպայի մասին

04.30.2019


Մեծ Բրիտանիայում նախապատրաստում են մի օպերա, որը անդրադառնում է թունավորման հետևանքով վախճանված Ռուսաստանի դաշնային անվտանգության ծառայության սպա Ալեքսանդր Լիտվինենկոյի կյանքին և մահվանը: Բեմադրությունն իրականացնում է «Grange Park Opera» թատերախումբը: Պրեմիերան նախատեսված է 2020թ.-ին: Այդ մասին «The Times»-ի տեղեկատվությունը փոխանցում է «taglur.am»-ը՝ հղում անելով «ՏԱՍՍ»-ին:

Թատերախմբի հիմնադիր և ղեկավար Վասֆի Կանին տեղեկացրել է, որ այդ թեմայով օպերա բեմադրելու համաձայնություն է ստացել Լիտվինենկոյի այրի Մարինայից, որը նույնիսկ ներկայացման հեղինակներին է տրամադրել ընտանեկան արխիվից տեսագրություններ, որոնք կցուցադրվեն էկրանին օպերայի կատարման ընթացքում:

«Ալեքսանդր Լիտվինենկոյի կյանքը և մահը» օպերայի երաժշտությունը գրել է բրիտանացի ներդրող Էնթընի Բոլթոնը, որը վերջին տարիներին նաև երաժշտական ստեղծագործություններ է հեղինակում: Լիբրետոյի հեղինակը Քիթ Հեսքեթ-Հարվին է, որը տեքստեր է գրել նաև Լոնդոնի արքայական օպերայի և Անգլիական ազգային օպերայի համար: Օպերայում բացի Ալեքսանդր Լիտվինենկոյի ու նրա տիկնոջ կերպարներից, հանդես են գալիս նաև այնպիսի հերոսներ, ինչպիսիք են օլիգարխ Բորիս Բերեզովսկին ու ռուսաստանցի Անդրեյ Լուգովոյը, որին վերապահված է Լիտվինենկոյին թունավորողի դերը:

Լիտվինենկոյի թեման, ըստ ամենայնի, հրապուրում է ոչ միայն երաժշտական բեմադրություններ իրականացնողներին: Պարզվում է, որ այս տարի Լոնդոնի «The Old Vic» թատրոնը նույնպես նախատեսել է պատրաստել Լիտվինենկոյի մասին ներկայացում: «Շատ թանկ թույն» վերնագրով բեմադրությունն իրականացվում է «The Guardian»-ի լրագրող Լյուք Հարդինգի նույնանուն գրքի հիման վրա:

Բրիտանիայում ապաստան գտած Լիտվինենկոն մահացել է Լոնդոնում՝ 2006թ.-ի նոյեմբերի 23-ին: Փորձաքննության տվյալներով նրա մահը վրա է հասել ռադիոակտիվ պոլոնիումից թունավորվելու հետևանքով: Սակայն այս դեպքը մինչև այժմ էլ հստակ պարզաբանված չէ և մնում է վիճելի թեմա ռուսական և բրիտանական համապատասխան կառույցների համար:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 71 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339>>հաջորդ