Քաղաքակրթական ներուժը կեցության բարձրագույն արժեք է:

Ակադեմիան կրթում է սկսնակ հանդիսատեսներին

11.28.2013

Պատանի հանդիսատեսի թատերական ակադեմիան Ռուսաստանում շարունակում է իրականացնել դպրոցականների և նրանց ծնողների համար նախատեսված ինտերակտիվ թատերական-կրթական ծրագրեր: Այդ մասին հաղորդում է «teatral-online.ru»-ն:

Հիշեցնենք, որ այդ նախաձեռնությամբ փորձ է արվում սկսնակ հանդիսատեսների հետաքրքրությունը կողմնորոշել դեպի թատրոն, բացատրել նրանց արվեստի այդ տեսակի առանձնահատկությունները, ներկայացնել այսօր գործող ժանրերը, ինչպես նաև պատասխանել այն հարցին, թե ինչու՞ է թատրոնը սկսվում կախիչից և ինչո՞վ է այն ավարտվում:

Առաջիկայում ակադեմիայի ՝ «Բաց բեմահարթակ» նախագծի շրջանակներում այդ ծրագիրը կներկայացվի Մոսկվայի Տվերյան շրջանի թիրախային խմբերին: Նրանց համար ծրագրի մասնակիցները կցուցադրեն առանձին հատվածներ համաշխարհային խաղացանկի այնպիսի ստեղծագործություններից, ինչպիսիք են «Համլետը», «Ռոմեոն և Ջուլիետան», «Եվգենի Օնեգինը». «Տոսկան», «Կարմենը»:

Այդ ծրագրի շրջանակներում հանդիսատեսին սպասվում է ևս մի յուրահատուկ նախագիծ: Արդեն վերականգնվել է և պատրաստ է ներկայացվելու Անդերսենի հեքիաթների հիման վրա բեմականացված Գեդրյուս Մացկյավիչուսի «Տարվա եղանակները» բալետը: Այն վերականգնել է հայտնի բալետմայստեր Տատյանա Բորիսովան:

Չեն մոռացվել նաև ամենափոքր հանդիսատեսները: Նրանց համար ակադեմիայի նախաձեռնությամբ բեմադրվել է մոսկովյան «Ճաշակի թատրոնի» «Ծաղրածու սապիենս» ներկայացումը:

Իսկ ծրագիրը կեզրափակվի Մոսկվայի Մեյերհոլդի կենտրոնի բեմադրած «Ալիսան և պետությունը» ներկայացումով, որն, ի դեպ, մտցվել է 2014թ.-ի «Ոսկե դիմակ» մրցանակի թեկնածուների անվանակարգի մեջ:
    Դիտվել է 628 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ