Քաղաքակրթական ներուժը կեցության բարձրագույն արժեք է:

Այգին առանձնանալու և մտորելու վայր էր...

08.08.2019


Բեռլինի «Մարտին-Գրոպիուս-Բաու» ցուցասրահում բացվել է «Երկրային հաճույքների այգի» վերտառությամբ գեղանկարչական աշխատանքների ցուցահանդես, որտեղ ցուցադրված են ժամանակակից 20 նկարիչների աշխատանքներ: Հեղինակներն այգու թեման օգտագործել են որպես փոխաբերություն ավելի ու ավելի անկայուն և անկանխատեսելի դարձող մեր մոլորակի վիճակը արտացոլելու համար: Այդ մասին տեղեկացնում է «taglur.am»-ը՝ հղում անելով «theartnewspaper.ru»-ին:

Դասական նկարիչների համար այգին առանձնանալու և մտորելու վայր էր: Հիմա այն ընկալվում է որպես հարմոնիայի և քաոսի, եղանակային փոփոխության և միգրացիոն հիմնախնդիրների իրականության միջև ներառված սահման:

Այս նախագիծը մտքով հաղորդակցվում է հանճարեղ Իերոնիմ Բոսխի հայտնի նկարի հետ (այդ նկարի անունն էլ ընտրվել է ցուցահանդեսի համար որպես խորագիր-խմբ.), որը դեռևս 16-րդ դարում կանխագուշակել էր, թե ինչի կվերածվի երկրային դրախտը:

Ցուցահանդեսի տարածքում տեղադրվել են բույսեր, որոնք «զրուցում» են ԱՄՆ-ի սև համայնքների հետ: Կազմակերպիչները ուսումնասիրել են այն բույսերը, որոնք Եվրոպա են հասել գաղութային ավար տեղափոխող նավերով: Այս միջավայրը լրացվում է նաև տեսաշարով, որը ներկայացնում է հեղինակային երևակայություն՝ գլոբալ մասշտաբի սերմերի բանկ ստեղծելու մասին: Այս տեսաֆիլմի հեղինակը որպես սերմերի բանկի ամենահուսալի տարածք դիտարկում է Հյուսիսային Սառուցյալ օվկիանոսի կղզիներից մեկը:

Ցուցահանդեսը կգործի մինչև 2019թ.-ի դեկտեմբերի 1-ը:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 111 անգամ