Քաղաքակրթական ներուժը կեցության բարձրագույն արժեք է:

Լրացնել քաղաքների բալետային ազդագրերի ամառային պակասը

08.19.2019


«Ես կարծում եմ , որ դասական արվեստում կա ձև, որը կատարյալ է և այն պետք չէ վերափոխել»,- այդ մասին նշել է Մերձմոսկվայի «Ռուսական բալետ» մարզային պետական թատրոնի գեղարվեստական ղեկավար, ԽՍՀՄ ժողովրդական արտիստ Վյաչեսլավ Գարդեևը: Այդ միտքը հաստատելու համար Գարդեևը նշել է, որ իր ղեկավարած թատրոնի ներկայացումներում կարելի է հաճախ հանդիպել այնպիսի գլխավոր դրվագների, որոնք նախորդ արտիստական սերունդների ստեղծագործական մտքի արդյունք են: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Այսօր, օգոստոսի 19-ին, Գարդեևի ղեկավարությամբ գործող թատրոնը Մոսկվայի Երիտասարդական պալատում կներկայացնի Պյոտր Չայկովսկու «Շչելկոինչիկ« և «Կարապի լիճ» ներկայացումները: Այդպես կմեկնարկի Մոսկվայում առաջին անգամ անցկացվող «Բալետի մոլորակ» փառատոնը, որն իրականում անցել է որոշակի զարգացման փուլ և արդեն ունի պատմություն:

Բանն այն է, որ «Բալետի մոլորակ» փառատոնը, որպես այդպիսին, մեկնարկել է 4 տարի առաջ՝ 2015թ.-ին Սանկտ-Պետերբուրգում: Այս տարի նույնպես, թվով արդեն 5-րդ միջոցառումը, մեկնարկել է Հյուսիասային մայրաքաղաքում՝ դեռևս հուլիսի 22-ին և կշարունակվի մինչև սեպտեմբերի 26-ը: Այժմ որոշում է կայացվել, որ այս երկու քաղաքներում «Բալետի մոլորակ»-ը կանցկացվի զուգահեռ, որպես մեկ ամբողջության տարբեր հատվածներ:

Այս նախագծի ղեկավար Ալլա Ֆոմինայի ասելով իրենց փառատոնը լրացնում է քաղաքների բալետային ազդագրերի այն պակասը, որը ձևավորվում է հիմնական թատրոնների հին և նոր թատերաշրջանների միջև ընկած ընդմիջման ժամանակահատվածում: «Բոլորը չէ, որ հնարավորություն ունեն ամռանը դուրս գնալ քաղաքից: Միաժամանակ արձակուրդային շրջանում մեր երկու մայրաքաղաք են ժամանում հյուրեր ոչ միայն Եվրոպայից ու Ասիայից, այլև ռուսաստանի տարբեր վայրերից: Եվ այն ժամանակ, երբ մյուս թատրոնները փակ են, այնպիսի նախագիծը, ինչպիսին մերն է, հնարավորություն է տալիս վայելել բալետային արվեստը»,- նշել է Ֆոմինան:

Ասենք, որ Մոսկվայում «Բալետի մոլորակ» փառատոնը կշարունակվի մինչև սեպտեմբերի 8-ը:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 14 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340>>հաջորդ