Քաղաքակրթական ներուժը կեցության բարձրագույն արժեք է:

Թատրոն, որտեղ օգտագործելով միևնույն բառերը՝ խոսում են տարբեր բաների մասին

09.24.2019

Թատերական ենթատեքստից բացակայում է բոլորովին մեկ այլ կողմ քայլ կատարելու փորձը: Օրերս այսպիսի միտք է հայտնել Ռուսաստանում «Fringe» ծրագրով անցկացված դրամատուրգների «Լյուբիմովկա 2019» փառատոնի արթ-տնօրեն, թատերական քննադատ Աննա Բանասյուկևիչը: Ըստ նրա, պետք է թատրոնին առաջարկել դժվարալուծելի ռեբուս, ստիպել, որ այն գտնվի գեղարվեստական որոնումների մեջ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Առաջնորդվելով նման սկզբունքով «Լյուբիմովկա 2019» փառատոնի մրցութային հանձնաժողովը նախապատվությունը տվել է Սանկտ-Պետերբուրգցի երիտասարդ դրամատուրգ Եկատերինա Ավգուստնյակի «Ներբող-ԴՆԹ» պիեսին, որն էլ ստացել է համապատասխան դրամաշնորհ Մոսկվայի թատրոններից մեկում բեմադրվելու համար:

Գենետիկական կոդի վրա հիմնված կառուցվածքով «Ներբող-ԴՆԹ»-ն պատմություն է այն մասին, որ մարդիկ օգտագործելով միևնույն բառերը՝ խոսում են տարբեր բաների մասին: Կարծես նրանք հաղորդակցվում են ոչ նույն լեզվով, որը հաճախ միմյանց հասկանալու կամ ըմբռնելու հնարավորություն չի տալիս, անգամ, ամենամերձավոր մարդկանց:

Հեղինակը գրել է փորձարարական տեքստ: Նման պիեսները սովորաբար շատ մեծ դժվարությունների են հանդիպում բեմում հայտնվելու ճանապարհին: Բայց նման մրցույթային դրամաշնորհը այդպիսի հնարավորություն կարող է ընձեռել: «Լյուբիմովկա 2019» փառատոնի արթ-տնօրենը կարծում է, որ այս գործը կարևոր է ողջ թատերական համատեքստի համար:




Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 29 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ