Քաղաքակրթական ներուժը կեցության բարձրագույն արժեք է:

Բերրուգետեն առաջին անգամ կներկայացվի արտասահմանում

10.09.2019

Վերածնության դարաշրջանի իսպանացի նկարիչ և քանդակագործ Ալոնսո Բերրուգետեի ստեղծագործությունների ցուցահանդեսը առաջին անգամ կցուցադրվի արտասահմանում: Այդ բախտին արժանացել են ԱՄՆ-ի արվեստի սիրահարները: Պիրենեյան թերակղզուց մայրաքաղաք Վաշինգթոն է տեղափոխվել, ընդհանուր առմամբ, 45 քանդակ, գծանկար և գեղանկար: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Ցուցահանդեսի նախապատրաստական աշխատանքները տևել են 3 տարի: Վաշինգթոնի ազգային գեղարվեստի թանգարանում այցելուները այս ցուցադրանքով ընդհանուր պատկերացում կկազմեն իսպանական արվեստի «Ոսկե դարաշրջանի» մասին, որը ընդգրկել է գրականության, երաժշտության և քանդակագործության ոլորտները:

Ցուցահանդեսը կսկսի գործել հոկտեմբերի 13-ից: Այն այցելուների առջև բաց կլնի մինչև փետրվարի 17-ը, որից հետո կտեղափոխվի Տեքսասի նահանգային կենտրոնի՝ Դալլաս քաղաքի Մեդոուզի անվան թանգարան, որտեղ կգործի 2020թ.-ի մարտի 29-ից հուլիսի 26-ը:

Ալոնսո Բերրուգետեն ծնվել է 1488թ.-ին: Նա հայրենիքի սահմաններից դուրս համեմատաբար քիչ հայտնի իսպանացի արվեստագետներից է: Նրա մասին խոսելիս հաճախ հնչում «մեծ վարպետ» որակումը: Նա ստեղծագործությունները շատ բարձր են գնահատվում հայրենիքում: 17 տարեկան հասակում Բերրուգետեն մեկնում է Իտալիա: Դարաշրջանի շատ այլ մեծությունների թվում ծանոթանում է նաև իտալական վերածնության հանճարի՝ Միքելանջելոյի հետ: Նա իր մեջ է ներառել այդ դարաշրջանի մեծ արվեստի նվաճումները և դրանց հիման վրա ստեղծել այնպիսի գործեր, որոնք առանց կասկածի գնահատվում են որպես իսպանական արվեստի օրգանական շարունակություն և զարգացում: Արվեստի մեջ Ալոնսո Բերրուգետեն համարվում է նորարար:

Արվեստագետը վախճանվել է 73 տարեկան հասակում՝ 1561թ.-ին:





Լուսանկարն՝ ըստ հղման աղբյուրի


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 84 անգամ
    12345678910111213141516171819202122232425262728293031323334353637383940414243444546474849505152535455565758