Քաղաքակրթական ներուժը կեցության բարձրագույն արժեք է:

2019թ.-ին գրականության գծով ի հայտ եկան երկու նոբելյան մրցանակակիրներ

10.10.2019


Գրականության ոլորտում նոբելյան մրցանակաբաշխության շվեդական ակադեմիան այս տարի պատվավոր մրցանակի դափնեկիր է հռչակել երկու ստեղծագործողի՝ 2018թ.-ի համար նախատեսված մրցանակը հանձնվել է լեհ բանաստեղծ Օլգա Տոկարչուկին, իսկ 2019թ.-ինը՝ ավստրիացի գրող Պետեր Հանդկեին:

Տոկարչուկը մրցանակի է արժանացել «... նարատիվ երևակայության համար, որը հանրագիտարանային կրքով ներկայացնում է սահմանների հատույթները որպես կյանքի ձև»:

Իսկ Հանդկեն պատվավոր մրցանակը ստացել է «այն ազդեցիկ գործունեության համար, որը ուսումնասիրում է մարդկային գոյության ծայրամասը և յուրահատկությունը»:

Մրցանակակիրների պարգևատրությունը կկայանա նոբելյան մրցանակաբաշխության հիմնադիր, ձեռներեց և գյուտարար Ալֆրեդ Նոբելի մահվան օրը՝ դեկտեմբերի 10-ին՝ Սթոքհոլմում:

Յուրաքանչյուր մրցանակի չափը 9 մլն շվեդական մարկ է (900 հազար ԱՄՆ դոլար):

Հիշեցնենք, որ 2018թ.-ին գրականության ոլորտում նոբելյան մրցանակաբաշխության շվեդական ակադեմիան չեղյալ համարեց այդ ոլորտում մրցանակաբաշխության անցկացումը՝ ակադեմիայում պայթած մեծ աղմուկի պատճառով:

Բանն այն է, որ հայտնի մշակութային գործիչ Ժան-Քլոդ Արնոն, որը ակադեմիայի անդամ Քաթարին Ֆրոսթենսոնի ամուսինն է, մեղադրվեց սեռական հետապնդում իրականացնելու մեջ: Այդ հարցի կապակցությամբ հետաքննության ընթացքում պարզվեց, որ Արնոն կարող էր մեղավոր լինել նաև գրականության ոլորտում մինչև մրցույթի արդյունքների հրապարակումը գաղտնի տեղեկատվության արտահոսքի հարցով: Նրան այդպիսի մեղադրանք ներկայացվեց 1996, 2004, 2005, 2008, 2014, 2015 և 2016 մրցանակաբաշխությունների դեպքերով:

Բանն այն է, որ բուքմեքերական գրասենյակներում մեծամեծ գումարներ են շրջանառվում նոբելյան մրցանակաբաշխության հաղթողին որոշելիս և Արնոն կնոջից նախապես իմանալով հաղթողի անունը կարող էր, տեղեկատվություն տրամադրելով, աշխատել մեծ գումարներ:

Շվեդական ակադեմիան Քաթարին Ֆրոսթենսոնին մեղավոր համարեց տեղեկատվության արտահոսքի համար: Նա ստիպված հեռացավ ակադեմիայից: Այս գործի շրջանակներում իր պատվավոր աշխատանքին հրաժեշտ տվեց նաև ակադեմիայի մշտական քարտուղար Սառա Դանիուսը:

Հիշեցնենք, որ այս աղմուկից հետո, 2018թ.-ի համար հիմնվեց գրականության գծով այլընտրանքային Նոբելյան մրցանակ, որը շնորհվեց ֆրանսիացի կին գրող Մարիզ Կոնդեին:





Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 16 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280