Քաղաքակրթական ներուժը կեցության բարձրագույն արժեք է:

Գ. Իսահակյան. «Արվեստին, մշակույթին հպվելը մարդուն դարձնում է ավելի բարդ...»

10.14.2019


Մոսկվայի Սացի անվան մանկական երաժշտական թատրոնում պարգևներ են հանձնել «Թատրոն-երեխաներ» սոցիալական նախագծի շրջանակներում անցկացված համառուսաստանյան նկարչական մրցույթի հաղթողներին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ասենք, որ մրցույթի պարգևները բաժին են հասել Ռուսաստանի 8 վարչական տարածաշրջաններ ներկայացնող 57 երեխայի, իսկ հաղթողներին հանձնվել են Ղրիմում գտնվող հայտնի մանկական ամառային ճամբարի ուղեգրեր:

«Իմ խորին համոզմամբ երեխաներին պետք է զարգացնել՝ նկատի չունենալով, որ նրանք բոլորը պետք է զբաղվեն արվեստով: Ինչ-որ հսկա մոլորություն կա, որ երեխան, որը զբաղվում է թատրոնով, երաժշտությամբ կամ նկարչությամբ, հետագայում պարտադիր պետք է դառնա ստեղծագործական ոլորտի մասնագետ: Նման բան չի կարող լինել: Ինձ թվում է, որ պարզապես արվեստին, մշակույթին հպվելը մարդուն դարձնում է ավելի բարդ: Իսկ դա նրան հնարավորություն է տալիս հետո գնալ ցանկացած մասնագիտության տիրույթ: Այն, որ Էյնշտեյնը ջութակ էր նվագում, նրան չդարձրեց մեծ ջութակահար, սակայն, ես կարծում եմ, որպես նախկին ջութակահար, բարդացրել է նրա հանճարեղ ուղեղի կապերը և, արդյունքում, դարձրել մեծ ֆիզիկոս»,- ասել է Սացի անվան թատրոնի գեղարվեստական ղեկավար Գեորգի Իսահակյանը և նշել, որ այս մրցույթը նպատակ չի հետապնդում ապագա նկարիչներ, գրողներ կամ որևէ այլ մասնագետ ձևավորել:

Ըստ նրա, այս միջոցառումը շատ կարևոր պատմություն է հանդիսատեսի և թատրոնի համագործակցության մասին: Իսահակյանի կարծիքով լինել հանդիսատես չի նշանակում լինել պասսիվ: Նա համոզված է, որ հանդիսատեսը թատրոնի վրա պակաս ազդեցություն չի թողնում, քան թատրոնը՝ հանդիսատեսի:

«Ինձ թվում է, որ դրա մեջ է հետաքրքրությունը. ինչպե՞ս է արտացոլվում ներկայացումը հանդիսատեսի գլխում, հատկապես պատանի հանդիսատեսի»,- ընդգծում է մոսկովյան թատրոնի հայ ղեկավարը և կարևորում այն հանգամանքը, թե ինչի է վերփոխվում ներկայացումն այն դիտող հանդիսատեսի գլխում, ինչպիսի տեսողական ձևեր է ստանում, ինչպիսի տեքստեր են այնտեղ մնում...

«Թատրոն-երեխաներ» մշակութային-սոցիալական նախագիծը նվիրված է 2019թ.ին Ռուսաստանում անցկացվող թատրոնի տարվան: Այն նախաձեռնել են ՌԴ մշակույթի նախարարությունը, Թատերական գործիչների միությունը և էլի մի շարք մշակութային և կրթական հաստաթություններ:





Լուսանկարն՝ ըստ հղման աղբյուրի:

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 19 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ