Քաղաքակրթական ներուժը կեցության բարձրագույն արժեք է:

Անգիր կարող է երգել «Մարսելյոզը»...

10.15.2019


Մոսկվայի «Գոգոլ կենտրոն» թատրոնի գեղարվեստական ղեկավար Կիրիլ Սերեբրեննիկովը արժանացել է Ֆրանսիայի արվեստների և գրականության բարձրագույն աստիճանի ասպետական շքանշանի: Պարգևը ռեժիսորին է հանձնվել Մոսկվայում, Ֆրանսիայի դեսպանությունում: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Դուք ներկայացնում եք այսօրվա և վաղվա մշակույթը: Ձեր վաստակը Ֆրանսիան ընդունում է հատկապես այն ներդրման համար, որը դուք կատարում եք մեր երկու երկրների միջև մշակութային կապերի համար»,- շքանշանը հանձնելիս նշել է ՌԴ-ում Ֆրանսիայի դեսպան Սիլվի Բերմանը:

Սերեբրեննիկովը խոստովանել է, որ առաջին անգամ է ստանում պետական պարգև: «Պետությանը միշտ մոտեցել եմ զգուշավոր: Սակայն այս պարգևը այն բանի համար, որ «Գոգոլ կենտրոնի», «Տերիտորիա» փառատոնի հետ միասին, մենք ձգտում էինք կամուրջներ ստեղծել երկրների, ժողովուրդների և մշակույթների միջև, ես ընդունում եմ հաճույքով»,- ասել է Սերեբրեննիկովը:

Ռեժիսորը նաև նշել է, որ Ֆրանսիան իր սրտում հատուկ տեղ է գրավում: Պատանեկության ժամանակ նա գիտակցաբար այնպիսի դպրոց է ընտրել, որտեղ սովորեցնում էին ֆրանսերեն լեզուն: Բացի այդ, նա անգիր կարող է երգել «Մարսելյոզը», որտեղ տեսնում է իր մեջ ապրող ազատությունը...

Կիրիլ Սերեբրեննիկովին Ֆրանսիայի արվեստների և գրականության բարձրագույն աստիճանի ասպետական շքանշանի արժանացնելու մասին հայտարարվել էր դեռևս 2018թ.-ի օգոստոսին: Այդ ժամանակ աղմկահարույց «7-րդ ստուդիայի» գործով ռեժիսորը գտնվում էր տնային կալանքի մեջ: Նա և նրա մի շարք գործընկերներ մեղադրվում էին «Պլատֆորմա» նախագծին պետական բյուջեից հատկացված միլիոնավոր ռուբլիներ յուրացնելու մեջ:

Ֆրանսիայի արվեստների և գրականության բարձրագույն աստիճանի ասպետական շքանշանն այս երկրի մշակույթի նախարարության գերատեսչական պարգևն է: Այն եռաստիճան է. հեծյալ, սպա և ասպետ:

Հետաքրքիր է, որ ռուսաստանցի հայտնի դեմքերից այս շքանշանին են արժանացել նաև Միխայել Գորբաչյովը, երաժիշտ Յուրի Բաշմետը, ռեժիսորներ Անդրեյ Կոնչալովսկին և Կարեն Շահնազարովը:










Լուսանկարն՝ ըստ հղման աղբյուրի:

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 23 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ