Քաղաքակրթական ներուժը կեցության բարձրագույն արժեք է:

Առաջին ցուցահանդեսային սեզոնի թեման կնվիրվի ժամանակին և հիշողությանը

10.22.2019


Ժամանակակից արվեստի ֆրանսիական հայտնի Պոմպիդու կենտրոնը ընդարձակել է իր մասնաճյուղերի ցանցը ևս մեկով: Մալագայում և Բրյուսելում գործողներին նոյեմբեր ամսին կմիանա նաև Շանհայի մասնաճյուղը: Այդ մասին տեղեկացնում է «taglur.am»-ը՝ հղում անելով «theartnewspaper.ru»-ին:

Փարիզյան կենտրոնի հավաքածուներից վերցված արվեստի գործերը կցուցադրվեն Արևմտյան Բունդի գեղարվեստական թանգարանում «Պոմպիդու կենտրոն –Արևմտյան Բունդի Գեղարվեստական թանգարան» անվան ներքո:

Այստեղ կազմակերպվող առաջին ցուցահանդեսային սեզոնի թեման կնվիրվի ժամանակին և հիշողությանը: «Իրերի ձևը» խորագիրն ունեցող ցուցադրանքում կներկայացվի Պոմպիդու կենտրոնից բերված 100 աշխատանք: Իսկ միա–ամանակ անցկացվելիք երկրորդ ցուցահանդեսում կներկայացվեն 1972-2017թթ-երին ստեղծված թեմատիկ 20 աշխատանք:

Ֆրանսիական մշակութային հաստատության այս մասնաճյուղի բացմանն օժանդակել է ՉԺՀ Սյույհուեյ շրջանի վարչակազմը և շինարարության և կառավարման զարգացման West Bund Development Group չինական ընկերությունը:

Սա Պոմպիդու կենտրոնի Շանհայում հաստատվելու երկրորդ փորձն է: Առաջին փորձը կատարելուց հետո ֆրանսիական այս մշակութային հաստատությունը աշխատանքները 2007թ.-ին դադարեցրել էր:






Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 65 անգամ
    123456789101112131415161718192021222324252627282930313233343536373839404142434445464748495051525354555657585960616263646566