Քաղաքակրթական ներուժը կեցության բարձրագույն արժեք է:

Ըստ արվեստաբանի, թատրոնի համար հսկաների ժամանակն անցել է

10.28.2019

«Ես քննադատորեն եմ վերաբերվում շատ բաների, սակայն թատրոնում, պետք է ասեմ, այո, ես տեսնում եմ նվաճումներ: Ես կարող եմ դա հիմնավորել համեմատելով: Լինելով ուսանողուհի, ես գրեթե ամեն օր երեկոյան լինում էի թատրոններում: Ես հիշում եմ լեգենդար Կաչալովին МХАТ-յան «Թագավորության դարպասների մոտ» ներկայացման մեջ: Ես հիշում եմ հիանալի Մարիա Բաբանովային, Ալեքսանդր Օստուժևին, Վասիլի Տոպարկովին...»,- խոսելով ընդհանրապես մշակույթում անցումային ժամանակներին բնորոշ անորոշության և զարգացման անկանխատեսելիության մասին իր հոդվածներից մեկում նշել է ռուսաստանցի հայտնի արվեստաբան Իրինա Անտոնովան:

Նրա կարծիքով թատրոնը բոլորովին այլ չափումների և մասշտաբի մեջ է: Ընդ որում նա զիջումներ է անում մանկության շրջանում ներկայացումներից ստացած տպավորությունների հարցում և առաջ մղում այսօրվա թատերական ներկայացումները: Օրինակ նա հիշատակում է Ազգությունների թատրոնի գեղարվեստական ղեկավար Եվգենի Միրոնովի բեմադրությունները և, մասնավորապես «հիանալի շուկշինյան ներկայացումը» և վերջին «Համլետը», որտեղ Միրոնովը կերպավորում է բոլոր դերերը:

Անտոնովան հիշատակիում է նաև Վախթանգովի անվան թատրոնում Ռիմաս Տումինասի բեմադրած պուշկինյան «Եվգենի Օնեգինը»:

«Վերադառնալով տուն, անմիջապես վերընթերցեցի վեպը: Ամենը, որ ցուցադրել էր Տումինասը, ամենը կա Պուշկինի մոտ...»,- խոստովանել է Անտոնովան և ավելացրել, որ ռուսական ժամանակակից թատրոնում այն ճանապարհը, որով ընթանում է «տաղանդավոր Կոնստանտին Բոգոմոլովը» ճիշտ ուղի չէ:


Արվեստաբանը կարծում է, որ Բոգոմոլովի «Կարամազովները» հակասում են Դոստոևսկուն: «Դոստոևսկու մոտ ցավ կա»,- նշում է նա, իսկ այդ ներկայացման մեջ, ընդհանրապես, ցավ չկա: Ավելին նա այդ բեմադրության մեջ շատ անբարոյականություն է տեսնում:

«Ինչու և ում է հարկավոր այդպիսի ցնցում, եթե այն կարելի է գտնել ցանկացած ոլորանում»,- հարցնում է Անտոնովան և Բոգոմոլովի այդ ներկայացումը համարում վատը, անընդունելի:

Բայց և այնպես, չնայած հանդիպող այսպիսի բևեռային տարբերություններին Իրինա Անտոնովան, կարծում է, որ արվստի ոլորտում ամենից հետաքրքիրը հիմա թատրոնն է, թեև կա մի վերապահում. «Հսկաների ժամանակը նրա (թատրոնի-խմբ.) համար նույնպես անցել է»:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 7 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280