Քաղաքակրթական ներուժը կեցության բարձրագույն արժեք է:

Մոլորակն արթնացնում է անձնական տառապալից հիշողություններ...

11.06.2019

Ռուսական կինեմատոգրաֆիայի նշանավոր ներկայացուցիչներից մեկի՝ Անդրեյ Տարկովսկու հայտնի «Սոլյարիս» ֆանտաստիկական գեղարվեստական ֆիլմը, որը նկարահանվել է 1972 թ.-ին, կրկին կիջեցվի ռուսական վարձույթի շուկա և այս տարվա դեկտեմբերց կցուցադրվի այդ երկրի 70 քաղաքներում: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Ամեն տարի, Նոր տարվան ընդառաջ թողարկվում են ռուսական բազմաթիվ բլոքբասթերներ, հեռացվում են ամերիկյան ռելիզները և արթ-կինոն ամանորյա տոնակատարություններից»,- ասել է «Իսկուսստվո կինո» հանդեսի գործադիր տնօրեն Վլադիմիր Քոչարյանը: Նրա ասելով որոշվել է, որ պետք է նաև իրենք մասնակցեն այդ միջոցառումներին և ամանորյա տոներին կթողարկեն «ռուսական կինոմշակույթի գլխավոր նվերը»՝ Անդրեյ Տարկովսկու «Սոլյարիս» ֆիլմի վերականգնված տարբերակը:

Ի դեպ, Քոչարյանը նշել է, որ սա Տարկովսկու արդեն 3-րդ ֆիլմն է, որը ռուսաստանցիներին «Մոսֆիլմի» հետ միասին ներկայացվում է այս ձևաչափով:

Հիշեցնենք, որ ըստ լեհ ֆանտաստ գրող Ստանիսլավ Լեմի նույնանուն վեպի ստեղծված ֆիլմը մի տիեզերական գիտական արշավախմբի մասին է, որն ուսումնասիրում է «Սոլյարիս» բանական մոլորակը: Իսկ ինչ է կատարվում այդ գիտական արշավախմբում: Այդ մասին տեղեկություն հավաքելու նպատայով կայան է ժամանում հոգեբան Քրիս Քելվինը: Նա հայտնաբերում է, որ գիտական արշավախմբի անդամները գրեթե խելագար վիճակում են և դա կապ ունի «Սոլյարիս» բանական մոլորակի հետ:

Կայանում գտնվողների մեջ մոլորակն արթնացնում է անձնական տառապալից հիշողություններ: Սակայն Քելվինի կասկածամտությունը այս իրադարձությունների վերաբերյալ անցնում է, երբ նրան է այցելում վաղուց ինքնասպանություն գործած իր կինը...

Ասենք, որ ֆիլմում նկարահանվել են խորհրդային տարբեր ազգությունների դերասաններ՝ Դոնատաս Բանիոնիսը, Յուրի Յրվետը, Վլադիսլավ Դվորժեցկին, Նիկոլայ Գրինկոն, Անատոլի Սոլինիցինը, Սոս Սարգսյանը:

«Սոլյարիս» ֆիլմը Կաննի միջազգային կինոփառատոնում արժանացել է ժյուրիի մեծ մրցանակին և կինոմամուլի միջազգային ասսոցիացիայի՝ «FIPRESCI»-ի, մրցանակին:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 8 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284