Քաղաքակրթական ներուժը կեցության բարձրագույն արժեք է:

Ըստ Զասլավսկու, մինչև «SounDrama»-ն ոչ մեկը ձայնով չի զբաղվել որպես բեմադրության մաս

11.07.2019

Ռուսաստանի թատերական արվեստի պետական ինստիտուտը դրամատուրգիայի և ռեժիսուրայի ինստիտուտի և «SounDrama» կենտրոնի հետ թատերական գործիչների համար կազմակերպում է ստեղծագործական «Ակուստիկ ընթերցում» լաբորատորիա, որտեղ մասնակիցները կարող են ծանոթանալ սաունդրամայի սինթետիկ մեթոդին: Այդ մասին «ՏԱՍՍ»-ի տեղեկատվությունը փոխանցում է «taglur.am»-ը:

«Սաունդրամա» ժանրը զարգանում է երաժշտության, պլաստիկայի և դրամատիկական թատրոնի հատման վայրում: Լաբորատորիայի նպատակն է ստեղծագործական երիտասարդության միավորումը և փորձի փոխանակությունը: Մասնակիցները հնարավորություն կստանան ուսումնասիրել երաժշտական և դրամատիկական թատրոնների նոր ձևերը, ինչպես նաև բեմադրական փորձերի ժամանակ ռեժիսորների, կոմպոզիտորների և խորեոգրաֆների փոխհամագործակցության նոր մեթոդները:

«Մենք արդեն բավականին գիտելիքներ ենք կուտակել և ցանկանում ենք այդ մեթոդը, որին մենք տիրապետում ենք, փոխանցել գործնական պարապմունքով»,- ասել է «SounDrama»-ի հիմնադիր Վլադիմիր Պանկովը:

Նա նշել է, որ պարապմունքներին կլինեն 5 թիմ,, որոնցից ամեն մեկի հետ կաշխատի մեկական ռեժիսոր, կոմպոզիտոր և խորեոգրաֆ: Նրանց կմիանան նաև երաժիշտները, պարողները, դերասանները: Նրանք ինքնուրույն կաշխատեն 10 օր, որից հետո «Ակուստիկ ընթերցման» շրջանակում 7 օրում պետք է հավաքվեն բեմադրություններ...

Ասենք, որ այս նախագծին ընդհանուր առմամբ մասնակցելու է 80 մարդ:

Մասնակցության հայտերը միջազգային մասշտաբի են: Դիմում են ոչ միայն Ռուսաստանի տարբեր տարածաշրջաններից, այլև Ուզբեկստանից, Ղազախստանից, Կիրգիզիայից և նույնիսկ Թայվանից:

Լաբորատորիան կընթանա նոյեմբերի 25-ից դեկտեմբերի 8-ը՝ «Թատրոնի ապագայի շաբաթ» փառատոնի շրջանակներում:
«Մենք ցանկանում ենք տեսնել այնպիսի թատրոն, որը կդառնա նոր խոսք»,- նշել է Ռուսաստանի թատերական արվեստի պետական ինստիտուտի տնօրեն Գրիգորի Զասլավսկին:

Նրա ասելով սաունդրամայի հիմնադիր Վլադիմիր Պանկովը այն մարդկանցից է, որը իսկապես ինչ-որ նոր բան է մտածել ժամանակակից ռուսական թատրոնում: Զասլավսկին ընդգծել է, որ մինչև սաունդրաման ոչ մեկը ձայնով չի զբաղվել որպես բեմադրության մաս:

Հավելենք, որ լաբորատորիայում կկազմակերպվի նաև կրթական ծրագիր, որը կվարեն սաունդրամայի սինթետիկ մեթոդի մեջ մասնագիտացած վարպետները:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 7 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347>>հաջորդ