Քաղաքակրթական ներուժը կեցության բարձրագույն արժեք է:

Տունդ կառուցիր ոչ թե տերևից կամ ծղոտից, այլ՝ քարից

11.30.2013

««Երեք խոզուկ» անգլիական հեքիաթը կարևոր է նրանով, որ, եթե չես ուզում թշնամին տունդ քանդի, այն ոչ թե տերևից, ծղոտից, այլ քարից կառուցի», «168.am»-ին տված հարցազրույցում ասել է Հովհ. Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը և ընդգծել, որ այս փոքրիկ զվարթ հեքիաթով երեխաներին ամուր տուն կառուցելու գաղափարն է մատուցվում: Նա նաև նշել է, որ հայկական ֆոլկլորն էլ է հարուստ հրաշալի հեքիաթներով և, որ դրանք չեն հնանում:

Հարցազրույցում Երևանի Հովհ. Թումանյանի անվան տիկնիկային թատրոնի գեղարվեստական ղեկավարը նաև անդրադառնում է «կարգին մարդ» լինելու հավերժական հարցադրմանը: Թատրոնի, ջինս հագնող ժամանակակից երիտասարդ մարդկանց մեջ Համլետ, Ռոմեո և Ջուլետ գտնելու ու բոլոր սերունդներին հավերժորեն հուզող կյանքի իմաստը բացահայտելու ձգտմանը զուգահեռ Բաբայանը գտնում է, որ «… մարդը, ով նվիրել է իրեն արվեստին, պիտի երեխա լինի»: Ըստ նրա թատրոնը հանդիսատեսի հետ երկխոսության մեջ պիտի մտնի և ոչ թե նրան դաստիարակի: Իսկ թատրոն-հանդիսական երկխոսության համար միշտ չէ, որ պարտադիր է ունենալ պետական աջակցություն:

Ռուբեն Բաբայանը նաև նշել է, որ հանդիսականներից առավել ակտիվը կանայք են, որոնք թատրոն են բերում նաև տղամարդկանց: Եվ շատ կարևոր է «…հասկանալ, որ հանդիսականը չի եկել պարզապես զվարճանալու, եկել է երկխոսության մեջ մտնելու»:

Հարցազրույցն անդրադառնում է նաև արվեստագետի քաղաքացիական դիրքորոշում ունենալու հարցին, ազգային նկարագրի և այն բարոյական հարթության մեջ դիտարկելու խնդրին, արվեստի և քաղաքականության առնչություններին և այլ հարցերի:
    Դիտվել է 669 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ