Քաղաքակրթական ներուժը կեցության բարձրագույն արժեք է:

Ն.Կալյադա. «իմ բոլոր հերոսուհիները արդեն մահացել են»

11.22.2019

Այսօր, նոյեմբերի 22-ին, Մոսկվայի Վախթանգովի անվան թատրոնում հանդիսատեսին կներկայացվի նոր բեմադրություն: «Շանել կնիկը» խորագրով պիեսի հեղինակը և բեմադրիչը Նիկոլայ Կալյադան է: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Եկատերինբուրգում ապրող և իր ոչ պետական թատրոնը ղեկավարող Կալյադան Ռուսաստանի ժամանակակից դրամատուրգիայի և թատերական արվեստի հայտնի անուններից է: Նա թատերասեր հասարակությանը հայտնի է դարձել 1986թ.-ից, երբ սկսեց լայն հասարակությանը պարբերաբար ներկայացնել իր դրամատիկական ստեղծագործությունները, ապա նաև թարգմանվել և դրանց հիման վրա բեմադրվել նաև արտասահմանում:

«Շանել կնիկը» Կալյադայի առավել մեծ ժողովրդայնություն վաստակած գործերից է: Այդ ստեղծագործությունը նա գրել է 2010թ.-ին: Այժմ արվեստագետն այդ դրամտիկական գործով էլ իր հեղինակային դեբյուտն է իրականացնում Մոսկվայի հանրահայտ թատրոնում:

Խոսելով պիեսի ստեղծման մասին, Կալյադան նշել է, որ ինչ-որ ժամանակ հաղորդում է պատրաստել իր հեղինակային «Սև տոմսարկղ» խորագրով ծրագրի համար: Այդ հաղորդումը նվիրված է եղել Եկատերինբուրգի հաշմանդամների ընկերակցության «Ներշնչանք» համույթին, որրտեղ հանդես էին գալիս տատիկները...

«Այդ հաղորդումն ունեցավ հսկայական հաջողություն ,- հիշում է նա:- Այն մարդկանց մասին է, որոնք չեն տրտնջում, ուրախանում են կյանքով: Հետո, 10 տարի անց, ես վերանայեցի տեսագրությունը և հանկարծ հասկացա, որ գրեթե իմ բոլոր հերոսուհիները արդեն մահացել են: Ես մտածեցի, որ ինչ-որ բան պիտի անել նրանց հիշելու, նրանց անմահություն նվիրելու համար, որովհետև նրանք զարմանահրաշ էին...»:

Կալյադան այդ կանանց մասին գրել է պիես: Այն վերնագրվել է «Շանել կնիկը» և բեմադրվում շատ թատրոններում: Այն «մարդկանց և ծերության մասին է, որը սպասում է բոլորին և այն մասին է, որ ծերերին պետք է, շատ դեպքերում, կարողանալ ներել , խղճալ և համբերատար լինել նրանց նկատմամբ »,- ասում է Կալյադան:

Նա այս բեմադրությունն իրականացրել է Վախթանգովի թատրոնի ավագ սերնդի արտիստների մասնակցությամբ: «Ես տեսնում եմ, թե ինչպես են նրանց աչքերը վառվում փորձերի ժամանակ և թե ինչպիսի անհավանական էնտուզիազմով են աշխատում...»,- պրեմիերայից առաջ նշել է : «Շանել կնիկը» խորագրով պիեսի հեղինակը:




Լուսանկարն՝ ըստ հղման աղբյուրի:

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 9 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ