Քաղաքակրթական ներուժը կեցության բարձրագույն արժեք է:

Հենրիխ 3-րդը գրելիս Շեքսպիրի հետ ստեղծագործել են նաև համահեղինակներ

11.27.2019


Արհեստական ինտելեկտը հետազոտող չեխ գիտնական Պետեր Պլեխաչը հանձնարարված լեզվագիտական ալգորիթմով պարզել է, թե «Հենրիխ 3-րդ» պիեսի ո՞ր մասն է գրել Շեքսպիրը, և ո՞ր մասը նրա համանեղինակ Ջոն Ֆլեթչերը: Հետազոտության արդյունքները չեխ գիտնականը հրապարակել է arxiv.org կայքում:

Ֆլեթչերը «Թագավորի մարդիկ» թատերախմբի գլխավոր դրամատուրգ Շեքսպիրին փոխարինել է 1616թ.-ին: Թեև գրական փորձագետները գիտեին, որ «Հենրիխ 3-րդ» պիեսը երկու դրամատուրգների համահեղինակությամբ է ստեղծվել, այնուամենայնիվ չէին կարողանում պարզել, թե նրանցից ո՞վ, ո՞ր հատվածն է ստեղծել:

Պլաչեխի ասելով հետազոտության արդյունքները ցույց են տվել, որ Շեքսպիրը գրել է պիեսի 17 պատկերներից 7-ը, իսկ Ֆլեթչերը՝ 5-ը: Շեքսպիրը ստեղծել է առաջին գործողության մեկնարկային 2 պատկերները: Դրանից հետո առաջին գործողության 3-րդ պատկերից մինչև երկրորդ գործողության 3-րդ պատկերը գրել է Ֆլեթչերը, ապա երկրորդ գործողությունն ավարտին է հասցրել Շեքսպիրը:

Այս պիեսի ստեղծմանը մասնակցել են նաև գրող Ֆիլիպ Մեսինջերը և էլի մի շարք հեղինակներ, որոնց ինքնությունը պարզված չէ:

Պլաչեխն այս բացահայտումն արել է հենվելով պիեսի տեքստում օգտագործված կրկնվող բառերի և ռիթմիկ մոդելների վրա:

Ասենք, որ Շեքսպիրի հետ Ֆլեթչերի համահեղինակ լինելու մասին վարկածն առաջին անգամ բարձրաձայնել է խմբագիր Ջեյմս Սփեդլինգը՝ 1850թ.-ին: Նա այդ ժամանակ, արդեն, նկատել և արձանագրել էր անձնական դերանունները օգտագործելու նմանություն Ֆլեթչերի պիեսներում և «Հենրիխ 3-րդ»-ի որոշ հատվածների միջև: Դրա հաստատումը մոտ երկու դար հետո չեխ գիտնական Պետեր Պլեխաչը կատարեց, արդեն, բարձր տեխնալոգիական միջոցների կիրառմամբ՝ արհեստական ինտելեկտի օժանդակությամբ:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 10 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ