Քաղաքակրթական ներուժը կեցության բարձրագույն արժեք է:

Թատերական օլիմպիադայի տիրույթում է ընդգրկվել նաև «Նոր եվրոպական թատրոն» փառատոնը

11.27.2019



Այսօր, նոյեմբերի 27-ին, Սանկտ Պետերբուրգում Կոպենհագենի «SIGNA» թաթերական ընկերությունը որպես համաշխարհային պրեմիերա կցուցադրի «Խաղալիքներ» ներկայացումը: Իրադարձությունը տեղի կունենա անսովոր պայմաններում, քանի որ որպես բեմահարթակ ընտրվել է քաղաքում գործող սթրիթ-արթի թանգարանը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

Դանիացի արտիստների բեմադրության առաջնախաղը տեղի է ունենալու «Նոր եվրոպական թատրոն» (NET) փառատոնի շրջանակներում, որն էլ իր հերթին Ռուսաստանի հյուսիսային մայրաքաղաքում է առաջին անգամ հյուրընկալվել:

Թատերական այս յուրահատուկ սթարթ ափերը հնարավոր են դարձել Պիտերում ընթացքի մեջ գտնվող Թաթերական օլիմպիադայի շնորհիվ. Որի կազմկոմիտեի անդամներից մեկը Ալեքսանդրինյան թատրոնի գեղարվեստական ղեկավար Վալերի Ֆոկինն է:

«Թատերական օլիմպիադայի խնդիրներից մեկն այն է, որ հանդիսատեսներին ներկայացվի ժամանակակից համաշխարհային թատրոնի լայն սպեկտոր՝ դասականից մինչև ժամանակակից սերնդի ամենահամարձակ փորձարարությունները: Ահա թե ինչու էր մեզ համար կարևոր օլիմպիադայի ծրագրում ընդգրկել NET փառատոնը, որը հայտնի է իր նորարարություններով»,- նշել է Ֆոկինը:

«Խաղալիքները» բեմադրությունը «SIGNA» մանկական թաթերական ընկերության յուրահատուկ նախագիծն է, որը արվել է NET փառատոնի և թատերական օլիպիադայի համար: Սա մի մտահղացում է, որը յուրաքանչյուր ցուցադրության ընթացքում պիտի զարգանա և ձեռք բերի նոր իմաստներ, հարստացվի պերֆորմերների անձնական փորձով թելադրված նորանոր շերտերով:

«SIGNA» ընկերության նախագծերը պարզապես ավանդական ներկայացումներ չեն: Բեմի եռաչափ տարածության մեջ ստեղծվում են զուգահեռ աշխարհներ, որոնցում, որպես օրինաչափություն, հանդիսատեսը ընտելանում է երկար ժամանակահատվածում, բայց ի վերջո սկսում է ընկալել ոչ այլ կերպ, քան որպես ամենաիսկական իրականություն:

Ասենք, որ Թատերական օլիմպիադայի շրջանակներում Սանկտ-Պետրբուրգի Ալեքսանդրինյան թատրոնում ներկայացումներ կցուցադրեն 22 երկրներից ժամանած կոլեկտիվներ: Իսկ եթե դրանց բերած ներկայացումներին ավելացնենք նաև Ռուսաստանի տարածաշրջաններից իրենց լավագույն ներկայացումները այստեղ ցուցադրելու բերող կոլեկտիվների նախագծերը, ապա կստացվի, որ բեմարվեստի այս յուրահատուկ հանդիսության ժամանակ պետերբուրգցիներին տրվում է ավելի քան 100 ներկայացում դիտելու հնարավորություն:

Այս Թատերական օլիմպիադան 9-րդն է և առաջին անգամ միաժամանակ անցկացվում է երկու երկրներում՝ Ռուսաստանում և Ճապոնիայում:





Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 10 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ