Քաղաքակրթական ներուժը կեցության բարձրագույն արժեք է:

Բեմադրությունները կստուգեն՝ հակառուսական քարոզչության առկայությունը ստուգելու նպատակով

11.28.2019

Մոսկվայի «Տեատր. doc» թատրոնի «Պատերազմը մոտ է», «Դուրս գալ պահարանից» և «Ռեյվ 228» երեք բեմադրությունները կստուգեն՝ դրանցում հակառուսական քարոզչության առկայությունը ստուգելու նպատակով: Այդ միջոցառումը նախաձեռնել է ՌԴ պետդումայի պատգամավոր Ելենա Յամպոլսկայան՝ համաձայն «մի խումբ մարդկանց բողոքի»: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Հրապարակվել է այդ առթիվ «Տեատր. doc»-ի տարածած հայտարարությունը, որը «Թագլուրը» թարգմանաբար ներկայացնում է իր ընթերցողներին.

«Արդեն մեկ ու կես տարի է, որ մեզ հետ չեն Ելենա Գրեմինան և Միխայիլ Ուգարովը: Մենք ձգտում ենք ոչ միայն պահպանել նրանց մասին հիշատակը, այլև , մեր ուժերը ներածին չափով , նաև նրանց «doc »-ի («Տեատր. doc»-ի-խմբ.) ներկայացումները: Սակայն ամենից դժվարը և փխրունն այն է, որ մարդը չի կարող պաշտպանել իր պատիվը և իր աշխատանքը, որովհետև նա արդեն մահացել է:

Եվ ահա, ոստիկանության հետ միասին մենք փորձում ենք բացատրել ակնհայտը, որ թատրոնի «Պատերազմը մոտ է» ( Ելենա Գրեմինայի վերջին գործերից մեկը), «Դուրս գալ պահարանից» և «Ռեյվ 228» ներկայացումները չեն զբաղվում հակառուսական քարոզչությամբ՝ ի պատասխան «մի խումբ մարդկանց բողոքի» արդյունքում տեղի ունեցած ռուսական ազատագրական շարժման («SERB») արշավից հետո:

Առավել տխուր է, որ ներկայացումների դեմ «ժողովրդական» մատնագիրը ուղարկել է Ելենա Յամպոլսկայան, թատերական քննադատը: Մեր թատրոնը փոքր է, թատերական քննադատներին մենք ճանաչում ենք դեմքով, և սխալ չի լինի, եթե ասենք, որ ցուցադրություններին, որոնք ոստիկանություն և դատախազություն դիմելու պատճառ դարձան, Ելենա Ալեքսանդրովնան ներկա չի եղել, դա տեսանելի է նաև այն իրողության շնորհիվ, որ նկարագրության մեջ զգալիորեն փոփոխված են ներկայացումների բովանդակությունները»:

Ելենա Գրեմինայի «Պատերազմը մոտ է» ստեղծագործությունը երեք տեքստ է այն մարդկանց մասին, որոնք ապրում են ժամանակակից հակամարտությունների կողքին: Դրանցից վերջինը պատմում է Գենադի Աֆանասևի դեմ հարուցված գործի մասին:
«Դուրս գալ պահարանից» ներկայացումը այն մասին է, թե որքան դժվար է հասակով մարդկանց խոստովանել սեփական անձի համասեռամոլ լինելը և այն մասին, որ իրենց մայրերը և հայրերը ի վիճակի են ներել նրանց, հասկանալ, պահպանել ծնողական սերը, պարզաբանել են «Տեատր. doc» թատրոնում:

«Ռեյվ 228»-ը լուսավորչական ներկայացում-խաղ է թմրանյութերի առու ու վաճառքի վտանգների մասին:
Թատրոնում նշել են, որ թեմայից կախված, այդ ներկայացումները դիտելու տարիքային սահմանափակում է դրվել՝ «18+», իսկ մուտքի մոտ ստուգում են հանդիսատեսների անձնագրերը: «Սակայն,- նշել են թատրոնում,- այս ամենը հիմա մենք պետք է բացատրենք այն մարդկանց, որոնք երբեք չեն տեսել մեր ներկայացումները»:

«Գրեմինայի, Ուգարովի և նրանց աշակերտների ներկայացումները գթասրտության, խղճի մասին են: Դրանք պատմում են այն մասին, թե որքան դժվար, կարևոր և հետաքրքիր է մարդ լինելը՝ ոչ թե հեքիաթային հերոս, այլ սովորական մարդ լինելը: Մենք շարունակում ենք աշխատել»,- հայտարարել է «Տեատր. doc» թատրոնը:

Հիշեցնենք, որ «Տեատր. doc» թատրոնը պարբերաբար ենթարկվել է հալածանքների: 2019թ.-ի օգոստոսին թատրոնի տեսակետներին ընդդիմադիր ինչ-որ մարդիկ նույնիսկ տապալել են «Պատերազմը մոտ է» ներկայացման ցուցադրությունը:





Լուսանկարն՝ ըստ հղման աղբյուրի:

Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 9 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ