Քաղաքակրթական ներուժը կեցության բարձրագույն արժեք է:

«Կուլմինացիայի» մասնակիցները սահմաններ ու դրվածքներ չեն ճանաչում

12.24.2019


Օրերս Մոսկվայի «Ստրաստնու վրա» թատերական կենտրոնում հանդիսավոր ամփոփել են ժամանակակից դրամատուրգիայի «Կուլմինացիա» մրցույթի արդյունքները: 2019թ.-ի լավագույն պիես է ճանաչվել դրամատուրգ Կոնստանտին Կոստենկոյի «Անհետացած հեծանիվը» պիեսը: Երկրոդ պատվավոր տեղում Կարեն Կլիմովսկու «Իմ հայրը Փիթեր փենն է», իսկ երրորդն Ալեքսեյ Սինյաևի «Կոտրվածը» պիեսներն էին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ռուսաստանում ժամանակակից դրամատուրգիայի 2019թ.-ին անցկացված մրցույթը թվով 4-րդն էր: Եզրափակիչում ընտրվել էին 10 լավագույն պիեսները, որոնք ընտրվել էին ռուսական դրամատուրգիայի 9 մրցույթների կողմից առաջարկված 30 լավագույն պիեսներից:

Մասնագետների գնահատմամբ ռուսական ժամանակակից դրամատուրգիայի առանձնահատկությունը որոնում է, հեղինակների մեջ մինչև իրենք այդ ստեղծագործական ոլորտում քայլողների ետևից գնալու ցանկության բացակայությունը: Դրանք հիմնականում երիտասարդներ են, որոնք ունեն աշխարհի իրենց տեսլականը: Նրանք շատ ազնիվ են, անզիջում, ունեն ժամանակի սեփական զգացումները: Նրանք սահմաններ և ինչ որ դրվածքներ չեն ճանաչում և լի են ինչ-որ բան բացահայտելու ցանկությամբ: Այսպիսին է «Պրակտիկա թատրոնի գեղարվեստական ղեկավար Մարինա Բրուսնիկինայի կարծիքը:

Կոնստանտին Կոստենկոյի «Անհետացած հեծանիվը» պիեսը «Կուլմինացիա» մրցույթին առաջարկել էր ռուսալեզու դրամատուրգիայի «Գործող անձինք» միջազգային մրցույթը: Կոստենկոն ստեղծագործում է 1999թ.-ից: Նրան հաջողություն և հռչակ է բերել «Կլաուստրոֆոբիա» պիեսը, որը բեմադրել է Նիկոլայ Կոլյադան: Կոնստանտին Կոստենկոն մահացել է 2019թ.-ին, 54 տարեկան հասակում:

Հանդիսավոր մրցանակաբաշխության ժամանակ, ըստ ավանդության, Դմիտրի Բրուսնիկինի արվեստանոցը ներկայացրել է մրցույթի կարճ ցուցակում ընդգրկված պիեսներից առանձին դրվագներ:

Շատ թատերական գորիչների գնահատմամբ ժամանակակից դրամտուրգիան Ռուսաստանի խաղացանկերում արդեն կայուն մաս են կազմում: Ռուսաստանում ժամանակակից արվեստի զարգացման հիմնադրամի նախագահ Իվան Դեմիդովի կարծիքով ժամանակակից դրամատուրգները արդեն կարողանում են գտնել բառեր, որպեսզի «նկարագրեն այսօրը, մեր մտքերը և մեր ժամանակը»:

Ասենք, որ նախորդ 4 միջոցառումների մրցութային կարճ ցուցակներում ընդգրկված պիեսները բեմադրվել են Ռուսաստանի թատրոններում, իսկ համառուսաստանյան թատերական գլխավոր մրցանակաբաշխության պարգևների մեջ հիմա ավելացել է նաև «Դրամատուրգի աշխատանք» անվանակարգը:

«Կուլմինացիա» մրցանակաբաշխությունն անցկացվում է 2016թ.-ից: Միջոցառումը լուրջ օժանդակություն է ստանում «Ռուսաստանի նախագահի դրամաշնորհ» հիմնադրամից:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 15 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353>>հաջորդ