Քաղաքակրթական ներուժը կեցության բարձրագույն արժեք է:

Ներկայացումը վաղը տեղի կունենա, սակայն այնտեղ այդ դրվագը չի խաղացվի

12.02.2013


«Վախթանգովի թատրոնը որբացավ»,- գրում է «tvkultura.ru »-ն ողջ կյանքը այդ թատրոնի բեմում աշխատած, ԽՍՀՄ ժողովրդական արտիստ Յուրի Յակովլևի մահվան կապակցությամբ: Վաղը՝ դեկտեմբերի 3-ին տեղի կունենա նշանավոր արտիստի հետ հրաժեշտի արարողությունը, իսկ հուղարկավորությունը տեղի կունենա Մոսկվայի Նովոդևիչյան գերեզմանոցում:

Յուրի Յակովլևը վախթանգովյան թատրոնի այն ներկայացուցիչներից էր, ում հավասարվելու ձգտմամբ էր գործում այդ մշակութային օջախի ողջ թատերախումբը: «Վերժամանակյա արտիստ և մարդ » , այդպես է որակում Յուրի Յակովլևին ռուսական մշակութային այս հեռուստաալիքը:

« Շատ թանկարժեք է այն հսկայական լույսի քանակությունը, որ իրենից հետո թողել է Յուրի Վասիլևիչը և նրան մենք հիշելու ենք ոչ թե թախիծով, այլ ժպիտով»,- նշել է Ռուսաստանի ժողովրդական արտիստ Օլեգ Մենշիկովը:

Ընդհանուր հաշվարկով Վախթանգովի անվան թատրոնին Յուրի Յակովլևը ծառայել է 52 տարի: Շչուկինի ուսումնարանը ավարտելուց անմիջապես հետո նա ընդունվել է այս փառաբանված թատերախումբ, ինչպես ինքն է հումորով նկատել «գեղեցիկ աչքերի համար»:

1958թ.-ին թողարկված «Ապուշը» ֆիլմում Յակովլևը մարմնավորեց գլխավոր հերոսին: Սկսնակ դերասանի խաղը իշխան Միշկինի դերում միանգամից բացահայտեց նրա արտիստական գլխավոր առանձնահատկությունները՝ մեղմությունը, հմայքը և բնատուր ազնվականությունը, որը նրա մեջ արտահայտվում էր նույնիսկ կոմիկական դերեր խաղալիս:

Այսօր երեկոյան, Վախթանգովի թատրոնում 2013թ.-ի «Թատերասերի աստղ» մրցույթի հանդիսատեսների համակրանքի անկախ մրցանակը «Բեմի լեգենդը» անվանակարգում պետք է հանձնվեր Յուրի Յակովլևին, իսկ վաղը՝ դեկտեմբերի 3-ին նա «Նավահանգիստ» ներկայացման մեջ պետք է խաղար բունինյան «Մութ ծառուղիների» հերոսի դերը:

Ներկայացումը վաղը տեղի կունենա, սակայն այնտեղ այդ դրվագը չի խաղացվի:

    Դիտվել է 588 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343>>հաջորդ