Քաղաքակրթական ներուժը կեցության բարձրագույն արժեք է:

900-րդ անգամը նաև էջ է թատրոնի պատմության մեջ

01.23.2020

Յուրահատուկ ռեկորդ է սահմանել Մոսկվայի Փոքր թատրոնում ցուցադրվող «Տհասը» ներկայացումը, որը բեմ է բարձացվել 1986թ.-ին: Ռուս դասական Դենիս Ֆոնվիզինի պիեսի հիման վրա պատրաստված ներկայացման ռեժիսորն է Վիտալի Իվանովը: Նրա ընթերցմամբ ներկայացումը օրերս թատերական տարածքում դպրոցահասակ հանդիսատեսին հանդիպեց 900-րդ անգամ: Այդ մասին տեղեկացնում է «taglur.am»-ը՝ հղում անելով «teatral-online.ru»:

Երեխաների մի քանի սերնունդ դաստիարակած բեմադրության դերասանական կազմը հիմնականում փոխվել է, սակայն կան նաև այնպիսիք, որոնք շարունակում են բեմական աշխատանքը պրեմիերայից ի վեր, արդեն 34 տարի:

«Տհասը» պիեսի բեմադրության պատմությունն ի սկզբանե բազմաթիվ դժվարություններ է հաղթահարել: Ֆոնվիզինը Պետերբուրգում մերժում ստանալով՝ իր պիեսը բեմադրելու հույսը կապել է մոսկովյան թատերական շրջանակների հետ: Նա դերասան Ի. Դմիտրիևսկու հետ 1782թ.-ին ժամանել է Մոսկվա: Բայց ապարդյուն: Նրան այստեղ նույնպես անհաջողություն էր սպասում: «Մոսկովյան-Ռուսաստանի թատրոնի գրաքննիչը» վախենալով պիեսում տեղ գտած շատ արտահայտություններից, չի թողնում կատակերգությունը բեմադրել:

Սակայն, համառ և ասելիքի վրա վստահ հեղինակին, այնուամենայնիվ, հաջողվում է կոտրել թատերական որոշ շրջանակների երկչոտության պատնեշը և պետերբուրգում կայանում է նրա պիեսի պրեմիերան: Մեկ տարի անց՝ 1783թ-ին «Տհասը» պիեսի պրեմիերային ներկայացումը տեղի է ունենում նաև Մոսկվայի «Մեդոքս» թատրոնում: Այն ունենում է հսկայական հաջողություն: Ավելի ուշ պիեսը բեմադրվում է, նաև Մոսկվայի համալսարանի ուսանողական թատրոնում, որի բազայի վրա էլ հետագայում լուսաշխարհ եկավ Փոքր թատրոնը:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 18 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355>>հաջորդ