Քաղաքակրթական ներուժը կեցության բարձրագույն արժեք է:

Դիպլոմային աշխատանք՝ ըստ Էյզենշտեյնի և, անշուշտ, Փարիզում

02.13.2020


Արդեն երկու օր է (փետրվարի 12-ին և 13-ին), որ Փարիզում, ֆրանսիացի հանդիսատեսներին իրենց դիպլոմային աշխատանքն են ներկայացնում Ռուսաստանի թատերական արվեստի ինստիտուտի ուսանողները: Այս յուրահատուկ և շատ հարուստ փորձի խոստմամբ միջոցառումն իրականացվում է Ֆրանսիայում «Ռուսական զեզոններ» նախագծի շրջանակներում: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ներկայացումը կոչվում է «Ատրակցիոնների մոնտաժ»: Այն ցուցադրվում է ժամանակակից արվեստի «Պոմպիդու-Մեց կենտրոնի թանգարանում, որտեղ ընթանում է «Էքստատիկական աչք: Սերգեյ Էյզենշտեյն, կինոռեժիսորը արվեստների խաչմերուկում» ցուցահանդեսը:

Ֆրանսիայի մայրաքաղաքում Ռուսաստանի թատերական արվեստի ինստիտուտի դասախոս, ռեժիսոր Վլադիմիր Պանկովի ուսանողների կողմից ներկայացվող բեմադրության մեջ զբաղված են ոչ միայն ռուսաստանցի երիտասարդ արտիստները: Նրանց հետ բեմում հանդես են գալիս նաև ֆրանսիական «Վիռ» թատրոնի դերասանները: Ներկայացումը պատրաստելու համատեղ փորձերը նրանք միասին սկսել են 2019թ.-ի վերջերին, նախ՝ Մոսկվայում, ապա՝ տեղափոխվել են Նորմանդիա:

«Ատրակցիոնների մոնտաժ»-ը ռուսական կինեմատոգրաֆիայի հանճարեղ պիոներ Սերգեյ Էյզենշտեյնի մասին է: Դրա համար գրական հիմք է հանդիսացել Ալեքսանդր Օստրովսկու «Ցանկացած իմաստունի համար բավական է պարզությունը» պիեսը:

Այս ստեղծագործությունը ժամանակին բեմադրել է նաև երիտասարդ Էյզենշտեյնը: 1923թ.-ին նա Օստրովսկու դասական կատակերգությունը վերածել է այսպես կոչված «ատրակցիոնների մոնտաժի»:

«Ատրակցիոնների մոնտաժ» արտահայտությունը հորինել է ինքը Էյզենշտեյնը: Նա «ատրակցիոն» է անվանում այն ամենը, որ կարող է հանդիսատեսին փոխանցել ուժեղ «զգայական ներգործություն», իսկ «մոնտաժը» դա տարբեր տարրերի՝ «ատրակցիոնների» համակցում է, որոնք ընտրվում են կամայականորեն, սակայն ենթարկվում են ստեղծագործության թեմայի զարգացմանը:

Վլադիմիր Պանկովը ներկայացումը ստեղծել է սաունդրամայի ժանրով և կառուցել է Սերգեյ Էյզենշտեյնի՝ 20-րդ դարասկզբին հորինած կանոններով:

«Ատրակցիոնների մոնտաժ»-ը ուսանողների դիպլոմային աշխատանքի պարագայում նշանակում է բեմական տարբեր տեխնիկաների կիրառում, խաղ թատերական արվեստի ամենատարբեր ժանրերով և ուղղություններով:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 88 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374>>հաջորդ