Քաղաքակրթական ներուժը կեցության բարձրագույն արժեք է:

Ֆիլիպ Գրիգորյանը նորածիններին ուղարկում է «Լուսնային բարեկենդանի»

03.02.2020


Ռեժիսոր Ֆիլիպ Գրիգորյանը Մոսկվայի «Մալայա բրոննայայի վրա» թատրոնում հանդիսատեսին կներկայացնի այսօրվա ռուսական բեմերում իր դրամատիկական գործերով հաճախակի հանդես եկող հաջողակ հեղինակներից մեկի Պավել Պրյաժկոյի «Լուսնային բարեկենդան» պիեսը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Ռուսական մասնագիտական շրջանակներում կա այն կարծիքը, որ Ֆիլիպ Գրիգորյանը իր համար միշտ ընտրում է «այն ամենը ինչը դիտարժան է, փախուստային, շատ կալորիական» և երբեք չի աշխատում առանց դրամատուրգի համագործակցության, որը նրան օգնում է ներկայացումը ներդնել ենթատեքստի մեջ:

«Լուսնային բարեկենդանը» նա հորինել է Իլյա Կուխարենկոյի հետ: Իսկ Պրյաժկոյի ուղղագիծ տեքստի մեջ երկուսով փորձել են գտնել երկրորդ պլան, հասկանալով, որ բառերն այստեղ կարող են միայն վարագույր լինել:

Ներկայացման պատումն այն մասին է, որ նորածին երեխաները ծնվելուն պես մնացել են առանց ծնողների և ստիպված են թռչել լուսին, որպեսզի վերադարձնեն իրենց ծնողներին, որոնք հայտնվել են «լուսնային գերության» մեջ: Գրիգորյանը և Կուխարենկոն այժմեկան են դարձնում բոլորովին ոչ մանկական մտքեր: Նրանց վարկածով «Լուսնային բարեկենդանը» բարձրաձայնում է ժամանակակից երիտասարդների հիմնախնդիրներ՝ հասունանալ չցանկացող ընկեցիկներ, որոնք չեն տեսնում որևէ ուղի, որը ստիպում է մարդկանց ընտանիք կազմել, լինել միասին և, ընդհանրապես, չեն ընկալում, թե երեխաներն ու՞մ են պետք...

Ֆիլիպ Գրիգորյանը Պավել Պրյաժկոյի պիեսներից պատրաստում է նկարչի թատրոն: «Լուսնային բարեկենդանը» բացառություն չէ: Թերևս նրան առավել շատ այդ պիեսում գրավել են դիտողական լուծումների հնարավորությունը և համակարգչային խաղերը, նաև Դիսնեյի ոճով անիմացիոն հավանական լուծումները, որից չեն հագենում այսօրվա երեխաները:

«Լուսնային բարեկենդանում» ներկայացման մեջ երեխաների առջև դրվող խնդիրների բարդությունը ձգտում է զրոյի և որքան մոտ է լուսինը, դա առավել ակնհայտ է դառնում: Ինչպես նշել է իր հարցազրույցներից մեկում Ֆիլիպ Գրիգորյանը. «Ինչպիսի ռումբ էլ, որ պայթեցնեմ, դրանից ծաղկաթերթեր են թռչում»:

Բացառություն չէ նաև Մոսկվայի «Մալայա բրոննայայի վրա» թատրոնում իրականացված այս հերթական վառ երևակայության հրավառություն-բեմադրությունը:





Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 86 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378>>հաջորդ