Քաղաքակրթական ներուժը կեցության բարձրագույն արժեք է:

Մասնագիտական քննություն, որը պետք է հաղթահարել

03.29.2020


Համաճարակի պատճառով թատրոնների տեղափոխությունը համացանցային տիրույթ, թատերախմբերի առջև դրել է որակապես նոր պահանջներ: Սանկտ-պետերբուրգի Ալեքսանդրինյան թատրոնի գեղարվեստական ղեկավար Վալերի Ֆոկինի օրերս հայտարարության մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Կավարտվի այս փուլը (համաճարակի պատճառով սահմանված սահմանափակումները), սակայն մենք չենք հեռանա համացանցից: Արվեստի տեսանկյունից, մենք դեռ դրան չենք մոտեցել, մենք միայն հեռարձակել ենք...»,- նշել է Ֆոկինը և ավելացրել, որ եթե թատրոնը զարգացնի համացանցային տիրույթը, համացանցային թատրոնը, ուրեմն հարկավոր է առաջադրել նոր գեղարվեստական խնդիրներ:

«Մենք պետք է ստեղծենք ինչ-որ նոր ստեղծագործություններ, որոնք կցուցադրենք համացանցային տիրույթում»:
Նրա ասելով գեղարվեստական տեսակետից դա շատ բարդ խնդիր է: Դա, ռեժիսորի կարծիքով թատրոնի համար նոր մարտահրավեր է:

Ֆոկինը կարծում է, որ համացանցային թատրոն անունով այդ տիրույթի յուրացումը շատ հետաքրքիր է և այն առավել հետաքրքիր կարող է լինել երիտասարդ ռեժիսորների համար:

Մարտի 21-ին Ալեքսանդրինյան թատրոնում կայացել է հույն ռեժիսոր Թեոդորոս Թերզեպուլոսի «Մաուզեր» բեմադրության on-line պրեմիերան: Այն դիտել է 350 հազար մարդ: Նա այդ ցուցանիշից գոհ է, սակայն նաև նշել է, որ նման ձևաչափով ստացածը դժվար փորձառություն է եղել և «իր տեսակի մեջ առաջինը» թատրոնի կոլեկտիվի համար:

«Շատ դժվար է դերասանների համար առանց հանդիսատեսի խաղալը: Չկա դահլիճի շնչառությունը, չկա արձագանքի զգացողությունը և այլն»,- նշել է Ֆոկինը:

Բայց դա ստեղծված կացությունից ելք է: Այդ վիճակը նա համարել է մասնագիտական քննություն, որը պետք է հաղթահարել:
Ֆոկինը կարծում է, որ ողջ դժվարությունն այն է, որ դերասանները պետք է վարժվեն,պետք է ձեռք բերեն նոր մասնագիտական կարողություն, որը նրանց հնարավորություն կտա լինել բացարձակ ազնիվ և խաղալ այնպես, կարծես, հանդիսատեսները ներկա են:

Սակայն, «դա այնքան էլ պարզ պահ չէ»,- ընդգծել է նա:

Այսօր ստեղծված պայմաններում Սանկտ-Պետերբուրգի առաջատար թատրոնի գեղարվեստական ղեկավարի համար առաջնահերթությունը ստեղծագործական թիմի մասնագիտական մարզավիճակի պահպանումն է:

«Դերասանն առանց փորձերի նշանակում է մարզավիճակ կորցնել: Այդ իսկ պատճառով անհրաժեշտ է մարզավիճակը պահպանել, չնայելով այն հանգամանքին, որ հանդիսատես չկա»,- ամփոփել է իր ասելիքը Վալերի Ֆոկինը:






Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 42 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366>>հաջորդ