Քաղաքակրթական ներուժը կեցության բարձրագույն արժեք է:

Փառատոն՝ նվիրված պարի և թատրոնի սինթեզին

12.05.2013

Այսօր Մոսկվայում մեկնարկեց ժամանակակից խորեոգրաֆիայի «Context: Դիանա Վիշնյովա» փառատոնը, որի ծրագրում ընդգրկված են վարպետաց դասեր, կինոցուցադրումներ և պարային ելույթներ:

Փառատոնը նվիրված է պարի և թատրոնի սինթեզին: Միջոցառման նախաձեռնությամբ հանդես է եկել Սանկտ-Պետերբուրգի Մարինյան թատրոնի պրիմա-պարուհի Դիանա Վիշնյովան: Իսկ փառատոնի հոգաբարձուների խորհրդի ղեկավարն է Մայա Պլիսեցկայան:

«Ես անչափ երջանիկ եմ, որ այս գաղափարը, որը հասունացել էր վերջին 2-3 տարիներին, ի վերջո իրականացավ: Այն իրականացավ Մոսկվայում… Առաջանում են բազմաթիվ հարցեր, ինչպե՞ս պետք է շարունակել ընթացքը և ո՞ր ուղղությամբ զարգանալ: Ես տեսնում եմ, թե ինչ է կատարվում մեծ թատրոններում: Առաջին հարցերը հարցազրույցների ժամանակ սովորաբար այն մասին են, թե ինչու՞ չկան պարուսույցներ, հատկապես Ռուսաստանում, չկան նոր անուններ: Իսկ որպեսզի այդպիսիք երևան, պետք է ինչ-որ բան տեղի ունենա մեծ թատրոններից դուրս: Որովհետև, երբ հրավիրում են երիտասարդ պարուսույցին միանգամից մեծ բեմ, այն միանգամից մեծ ճնշում է գործադրում այդ երիտասարդ մարդու վրա, իսկ նա դեռ բավարար չի հասունացել: Եվ այնպիսի պարուսույցներ, ինչպիսիք են, օրինակ, Գրիգորովիչը, Յակոբսոնը, սկսել են փոքր բեմերից, փոքր փորձերից: Այս փառատոնը որոշակի հնարավորություն –լաբորատորիա է երիտասարդ պարուսույցների համար, ոչ միայն ինչ-որ բան բեմադրելու, այլև առանց լարվածության սեփական ուժերը բացահայտելու հնարավորության առումով»,-ասել է Վիշնյովան փառատոնի բացման նախօրեին:

«Context» փառատոնը մրցութային չէ և նախատեսված է, որ դրա արդյունքներով մասնակիցներից մեկին հնարավորություն կտրվի ստաժավորում անցնել ֆրանսիացի նշանավոր պարուսույց Կարոլին Կարլսոնի դպրոցում:

Ավելացնենք, որ փառատոնը կտևի 3 օր:
    Դիտվել է 649 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ