Քաղաքակրթական ներուժը կեցության բարձրագույն արժեք է:

Առցանց թատրոն հեռախոսով

04.21.2020


Նախօրեին, ապրիլի 20-ին, Ռուսաստանի թատերական գործիչների միությունը «Ալմա մաթեր» հիմնադրամի օժանդակությամբ իրականացվող «Զրույցներ» նախագծի շրջանակներում ներկայացրել է հեռախոսով թատրոնի «Ալլո» առցանց-ներկայացման պրեմիերան: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Ալլո»-ն դա դերասանի զրույց է հանդիսատեսի հետ հեռախոսով (այս դեպքում հանդիսատեսի փոխարեն տեղին կլինի ասել՝ ունկնդիր): Նրանք երկուսով, ըստ դերերի, կարդում են պիես, որն իրենից ներկայացնում է երկխոսություն ( հանդիսատեսը նախօրոք էլեկտրոնային փոստով ստանում է իր ռեպլիկները): Հասկանալի է, որ այս տարբերակով հնարավոր են նաև իմպրովիզացիաներ: Եվ, իհարկե, ինտրիգ, որը պահպանվում է մինչև ներկայացման ավարտը,- վստահեցրել են հեղինակները:

«Ալլո» ներկայացումը փորձ է և թատրոնի նոր դրսևորում, որն առաջադրում են նոր պայմանները,- նշել է Ռուսաստանի թատերական գործիչների միության նախագահի տեղակալ Դմիտրի Մոզգովոյը: Նա նաև տեղեկացրել է, որ նախօրեին գործարկվել է նաև այս նախագծի alloteatr.ru կայքը, որը հնարավորություն է տալիս յուրաքանչյուր ցանկացողի, առանց հաշվի առնելու կարանտինը և ինքնամեկուսացումը, դառնալու հանդիսատես, իսկ ավելի ճիշտ՝ ունկնդիր:

Այդ կայքից օգտվելու տեխնալոգիան Դմիտրի Մոզգովոյը, որը նաև այս ներկայացման պրոդյուսերն է, ներկայացրել է հետևյալ կերպ. «Այցելում ենք կայք, այնտեղ թողնում ենք մեր դիմումը, հետադարձ կապի համար լրացնում ենք բլանկը և գնում ենք մեզ առավել հարմար ժամի ներկայացման սեանսի տոմս...»:

Այս ամենն արվում է տանը, բազմոցին նստած:

Իսկ նշանակված ժամին հնչում է հեռախոսազանգը, որը «ձեր համար հնչում է, որպես թատրոնն սկսվելու զանգ»:
Ներկայացումն սկսվում է...

Ներկայացման պրոդյուսերի ասելով ավարտից հետո ույնկնդիրը (հանդիսատեսը) ևս մեկ անգամ կարող է զանգահարել դերասանին, որպեսզի նրա հետ կիսի իր տպավորությունները:

«Ալլո» ներկայացումը «Մատչելիության կետ» արվեստի միջազգային փառատոնում ինքնաբուխ ծնված ծրագրի մասնակից է: Այս նախագծի իրականացումից ձևավորված ողջ հասույթը կուղղվի ինքլյուզիվ թատերական նախագծի «Ալմա մաթեր» հիմնադրամին:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 98 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381>>հաջորդ